泰 - 有水準菠蘿炒飯

今日放工同朋友落開長沙灣，順便食埋晚飯，
見附近有間「泰」國菜，而且有26個個笑臉，一於入去試下～
門面唔算出眾，一入去就有條木製長樓梯通上2樓

環境不錯，微暗嘅燈光，加上牆身佈置，帶點歐陸情懷，感覺relax

侍應遞上餐牌後不久，老闆就過黎問我地係咪第一次去/想食邊類同推介一些招牌菜比我地，非常熱情～
老闆推介我地食燒魚，有鰂魚同烏頭兩種，

但落單侍應話魚已經信罄了，實在可惜，唯有再揀過其他～

最後我地叫咗

小食拼盤，飛天炒通菜同波蘿炒飯
等得唔算耐，首先黎到嘅係炒菜 

飛天炒通菜（$55）
通菜嫩綠，份量頗多
蝦醬味香濃但不會過咸，非常惹味
加上油份適中，食落爽口
不過對於我地兩個唔太食得辣嘅人黎計，都幾辣. ..

菠蘿炒飯（$50)
上菜時見到雖然賣相一般，唔係原個菠蘿上有點失望，但未食已經聞到陣陣咖哩香
材料包括咗菠蘿肉，肉鬆，臘腸，蛋，雞肉，雜豆，提子干等. . .
用料頗多，但最欣賞反而係d飯，帶少少黏口，又不至於太軟，
淡淡咖哩味，不會蓋過其他食材嘅味道，
咸甜夾雜，味道豐富

小食拼盤（$75）
包括咗：蝦餅2件，魚餅3塊及春卷3條，全部一分為二

蝦餅
蝦膠尚算彈牙,炸得鬆脆，但由於比較細件唔夠厚身，加上炸粉相對較多，影響口感

魚餅
薄身一片，香葉味一般濃烈，口感較腍，由於對香葉既味道一般，所以覺得麻麻

春卷
炸得金黃鬆脆，皮夠薄，包著粉絲，木耳絲，蘿白絲及肉碎等材料，內裹較為濕潤

 

 

~後記~
整體食物質素不錯，菠蘿炒飯十分有驚喜，而且價錢唔貴，

2人埋單$180無需加1收費～
老闆推介嘅燒魚都只係$80-$85，值得下次再黎試下～

 

 

 

泰 Tum Yum Thai

長沙灣青山道260-266號永隆大廈地下D舖及1樓

 

堂食等位時間: 0 分鐘

用餐日期: 2014-08-04

是次消費: 每人約HK$90 (晚餐)

 

 

 

 

德記潮州菜館 - 特色潮菜

由於細個嘅時候曾經住過西環，對西環有一種特別嘅情懷，

父親大人突然醒起有飲食節目介紹過西環嘅潮洲菜館，想去一試，

順便從遊舊地，看看西環嘅變化

西環確實轉變了不少，惜日嘅舊區漸漸發展成高樓林立，

海旁位置更開設了不少酒吧當日6點令到達，無需等候入坐，

門面相對上較舖內光鮮

看過餐牌後，好快就選擇咗出面較少見嘅菜式～

 

脆皮糯米釀大腸

大腸表面炸得香脆，薄薄嘅大腸內釀入糯米，栗子，花生，臘肉，蝦米等材料

外脆內軟，糯米口感較黏，多吃兩件後有少許飽滯感，脂肪含量相信頗高

 

蝦棗併墨魚卷

喜歡炸物嘅我，每到潮式菜館必叫小吃之一

 

蝦棗

以鮮蝦肉混合馬蹄打成蝦膠，為了令蝦膠更香口彈牙，大多還會加入肥豬肉，然後滾圓，

再炸成金黃色球狀，入口帶少許彈牙，但表面不太鬆化，唔算大粒

 

墨魚餅

較蝦棗淡味，沒有太多墨魚鮮香，口感較淋，沾上甜酸汁後，味道較佳

 

糖醋麵

表面煎得金黃脆身，底下則有少許淋，

薄薄一塊，分成8小份，附上白糖及甜醋

入口味道較淡，需沾滿大量白糖及甜醋作調味，感覺一般，但較有特式，可以一試

 

蟹粥

以沙窩原窩上菜，粥底尚算鮮甜，但蟹的質素卻一般，

蟹身較細, 肉質偏淋，蟹肉不足

 

鹹檸七

由於唔太喜歡有汽嘅飲品，所以一向好少叫野飲，

但見到大部份人枱上都放有一杯鹹檸七，好奇心推使下，就叫了一杯

一大粒鹹檸檬放在高身杯內，份量頗多，檸檬十分軟身，

輕按數下已經溶終七喜中似的，相信醃製了不少時間，味道鹹鹹甜甜，十分醒胃

 

 

 

 

德記潮州菜館 Tak Kee Chiu Chou Restauran

西環堅尼地城卑路乍街3號G益豐大廈地下

堂食等位時間: 0 分鐘 是次消費: 每人約HK$100 (晚餐)

 

 

 

 

 

 

 

 

 

A-1 Restaurant - 優閒午餐

星期六襯有時間,陪爸爸嘆反個LUNCH~
原本想試下同一商場嘅另一間新餐廳,可惜人太多,
要等超過45分鐘,所以就轉地方,去咗A-1~
好彩唔算太多人,去到就即有位~

    A-1 Restaurant 係A-1 Bakery 旗下一間餐廳,
唔講唔知,原來A-1 Bakery係香港已經有30年歷史,
分店達50間以上, 當中包括咗麵包店、日式餐廳及西餐廳~
當中以麵包店最為人熟識,麵包款式精美,有時經過都會抵受不了引誘,買黎食~

     

招牌懸掛在當眼位置,令人一目了然

        座位一行行排放著,感覺整齊,但枱與枱之間嘅距離比較窄

餐廳外圍放有大大小小的木箱,小盆栽及麻包袋等擺設,
感覺有如置身於外國田園,十分舒服

    入到去第一時間睇下有咩食先~

     

     

 

Set Lunch 有18款供選擇 以意粉及飯類為主,
但當中亦不乏漢堡包,沙津及數款扒類,滿足顧客各類要求
食物價格由$68-$158不等
套餐已包括 自製麵包+湯/沙津+主菜及飲品 

     

比較貼心嘅係,麵包款式唔似一般餐廳只有法包/小餐包,
原來自製麵包一共有6種選擇,分別係:
1. Briche 布里歐修 (牛油餐包)
2. Cheese with Bread 法式芝士包
3. Soft Bun 鬆軟餐包
4. Cheese Bun 芝士餐包
5. Poppy Seeds Bun 種子餐包
6. France Bread 法包

更令我喜出望外的是連sauce都有4款,迎合各人口味,
1. Olive Oil 橄欖油
2. Tomato Salsa Sauce 蕃茄沙沙醬
3. Pesto Sauce 蘿勒青醬
4. Butter 牛油

我地選擇咗新出嘅兩款~

Cheese with Bread (前)& Briche(後),

配Pesto Sauce & Butter

 

Cheese with Bread

離遠已經聞到芝士嘅香氣,

外皮較硬,食落較煙韌有嚼感,

由於外皮較硬,所以切開時比較困難,

包上面佈滿經烘過嘅芝士碎,啖啖芝士香

Briche質感非常鬆軟,但內裡密度頗高,綿密柔細

口感與美式鬆餅有點相似,

可惜牛油味唔夠濃

 

Pesto Sauce 蘿勒青醬

因為外面比較少有蘿勒醬,所以叫黎試一試~

但由於蘿勒嘅味道不過濃烈,

完全蓋過晒麵包嘅牛油香,

若果想試蘿勒醬,建議選擇France Bread

Butter 牛油

牛油味香濃,口感柔滑

當Briche塗上牛油後,足以離補不足之處

 

野菌湯

而餐湯方面,只有一款供選擇

是日餐湯係野菌湯,湯上面放有兩粒麵包粒

麵包糠早已吸滿雜菌湯變得軟淋淋...不太喜歡這個口感

 

野菌湯散發陣陣野菌香,

入口帶有少許野菌微粒,但尚算滑溜

估計加入了少量松露油,令味道增色不少

 

沙津

內含粟米,雜生菜,青瓜,車厘茄及青椒

上面放有兩小片火腿及沙津醬

蔬菜類尚算新鮮

 

蒜香黑松露野菌意大利寛條麵 (素食) ($86)

上枱時,寛條麵散發出濃烈的松露香,實在吸引

但由於菌類大多呈啡色,加上松露醬及橄欖油還沒拌勻,

表面較為乾身,導致賣相一般,較為失色

 

拌勻後,松露醬及橄欖油份量商中,入口不會過膩或過乾

用料相當豐富,包含了多款野菌如:金菇,雞脾菇,蘑菇等...

雖然係素食,但完全不會覺得太清淡

 

鐵板芝士蘑菇牛肉漢堡飯伴煎蛋 ($98)

熱辣辣嘅煎pan上放滿臨臨種種嘅美食

除咗有漢堡同煎蛋外,還配以薯角同少量雜菜(蕃茄,椰菜花同粟米粒)

白飯同燒汁則分開另上

 

太陽蛋

賣相吸引,生熟程度控制得剛剛好,

有點吹彈即破嘅感覺

蛋黃蛋味香濃,配上白飯,味道一流

 

芝士蘑菇牛肉漢堡

厚厚嘅漢堡上面放有少量芝士及蘑菇片

漢堡以免治牛肉搓成,但牛肉味不算濃,

而肉質副彈性及嚼感,卻比較乾身欠缺肉汁

 

薯角

炸至金黃色,外皮鬆脆,肥大肉厚

 

漢堡汁

不得不提嘅還有漢堡汁,

味道不太濃烈,類似燒汁混有少量胡椒

為乾身嘅漢堡增添水份外又不會蓋過牛肉味

 

冰檸茶 & 炭燒榛子鮮奶咖啡(跟餐+$16)

冰檸茶

不帶苦味,紅茶濃道適中

 

炭燒榛子鮮奶咖啡

咖啡味較淡

(由於一向飲開少甜,order時如常叫少甜,

但侍應提醒我,咖啡係以榛子糖漿沖制,

若果少甜就會連同榛子味一同減少,

所以最後叫佢糖漿另上~)

 

榛子糖漿

果然,糖漿帶有淡淡榛子香,幸好不算太甜~

因為喜歡榛子嘅味道~忍唔住將所有糖漿加入咖啡內~

 

奶泡

奶泡打得軟滑,份量頗多,令咖啡入口細膩

可惜奶味唔夠,導致味道過淡

 

 

 

~後記~

整體食物味道尚算不錯,

兩個人食賣單$220,價格可以接受,

如果人少d,環境清靜少少,不失為一個好地方

當我地就食完嘅時候,開始供應下午茶,

見到佢地嘅english afternoon tea 好吸引~

有三文治,蛋糕,鬆餅等小食,連兩杯野飲 $198

有機會會去試下~

==============================

另外,原來A-1亦有響應環保,

逢星期一(green monday)選吃素食菜式會減$2~

不過由於今日係星期六,所以無得減~

              

 

英王餐廳 A-1 Restaurant

葵芳興芳路223號新都會廣場1樓133-138號舖 

 

堂食等位時間: 0 分鐘

用餐日期: 2014-08-02

是次消費: 每人約HK$110 (午餐)

 

Lamb kebab

由於要到灣仔聽講座未夠鐘上去，見對面有間食kebab既，就將減肥計劃拋開～
之前其實都試過其他kebab舖，但都係覺得ebeneezer包既餡係最多既～
當時6點令鐘舖內暫時未有人～
餐廳唔算太大，只有少量坐位，估計主要以外賣為主

睇睇餐牌，最後都係對kebab情有獨鍾～
其實除咗kebab外，其實重有pizza，炒飯，薯條，沙津等小吃

而kebab亦都有多款肉類供選擇～連素嘅都有～
最後我選咗唔辣o既lamb kebab~因為出面比較少地方有羊肉食～(可以選擇辣味/小辣/唔辣)

上枱前已經預先幫我切開咗一半～
不過以無人黎計，都算整得慢. . .都等咗10令分鐘

lamb kebab

羊肉塞到得滿滿的～
但係有部分羊肉比較韌，可能因為切到筋位，
羊肉沒有太濃烈既羊酥味，而且食落比較有嚼感
除咗羊肉外，入面還有洋蔥，生菜同蕃茄等材料～ 

當然重有最不可忽視嘅醬汁，有啲似沙津醬混合蒜蓉，簿荷，芥辣同蔬菜好match~
雖然我點咗唔辣，但由於醬入面混合咗芥辣，所以都有少少，不過可以接受～

 Kebab外面烤至脆身，但入面仍能保持軟身，帶牛油香～好味～
原本打算食一半，另一半帶走，點知忍唔住食埋⋯肥死了. . .

 

 

~後記~
賣單時發現原來堂食需要加10%服務費，原價$75 變成$83 ，
由於趕時間好快就食完，感覺有點不值呢. . .早知道就邊行邊食啦～

 

 

 

beneezer's Kebabs & Pizzeria

灣仔駱克道89號灣仔中匯大廈地下4號舖



 



堂食等位時間: 15 分鐘

用餐日期: 2014-07-30        

是次消費: 每人約HK$83 (晚餐)

嗜甜者至愛

以前食爆谷多數都係睇戲先會食～愛吃爆谷既我，每次都會買最大筒入劇院食

但當朋友介紹我試完著名既garrett popcorn後，爆谷亦成為我日常小吃～

每次行過都會抵愛不了爆谷香，好自然地走向garrett，

加上店員熱情洋溢，每次都問試唔試下，最後都會忍唔到手同口～

 當日有以下幾種口味～

1. Cheese 芝士

2. Buttery 牛油

3. Caramel 焦糖

4. Almond caramel 杏仁焦糖

5. Macadamia caramel 夏威夷果仁焦糖

6. Cashew caramel 腰果焦糖

另外重有Chicago Mix(Caramel + Cheese)

今次我買咗小包裝o既

~Cashew Caramel~ 

爆谷每粒都非常飽滿～
爆谷粒粒分開，焦糖厚厚地包住每粒爆谷～非常香脆
腰果亦非常香口同脆身～
混合爆谷一齊食中和反焦糖既甜膩感，令味道提升

之前都買過Chicago Mix，
芝士爆谷芝士味特濃，每粒都佈滿芝士粒，但口感較淋，倘若可以整得脆身d會好好多，
另外，由於芝士同焦糖味放係同一包，令到焦糖爆谷佔有芝士粉，變得咸咸甜甜，影響咗味道

~價錢方面~

果仁系列比較貴，小包裝要$60,

而Chicago mix/焦糖/牛油/芝士味比較抵食，只需$35

論質素及價錢黎計，比戲院爆谷抵食～

 

Garrett Popcorn
1號國際金融中心1樓1050號舖

自取等候時間: 5 分鐘
用餐日期: 2014-07-28        
是次消費: 每人約HK$60

 

咖啡弄

終於抽到時間去瘋摩一時既咖啡弄試下～選擇咗去更新開既尖沙咀店
2點令鐘去到，見到有長長既人龍

考慮咗一陣，最終都不敵美食既誘惑，決定排隊！
大約排咗90分鐘左右，終於等到啦！
上到去有一名操普通話既侍應安排客人入座

 

 

先睇下餐牌~樣樣賣相都非常吸引～～
因為樣樣都好想試，所以我地兩個人竟然點咗. . .
2杯飲品，2個三文治類同2個甜品. . .食量好嚇人呢，哈哈
首先黎既係野飲～

冰鮮果茶

~色彩繽紛～
入面有青檸，蘋果，百香果，波蘿，橙同話梅等材料
另外提供一隻有一舊檸檬既小杯，方便飲用
果茶味道酸甜，口感帶少傑身
茶味不濃，夏天飲，感覺清新，令胃口大開

冰滴咖啡

齋啡，冰塊，糖漿，奶分別放係小鐵盤上

最特別既係咖啡杯底呈錐型，

同埋杯內有一粒用咖啡製成既咖啡豆狀冰粒～

咖啡香濃～不帶苦味，加入奶之後令咖啡更香滑細膩～

由於部分冰塊用咖啡製成，所以即使咖啡放耐咗，亦不會變得淡而無味～

~主菜出場了~

玉米里肌起司可頌

 

即係煙肉芝士火腿牛角包～亦係我最欣賞既一道

牛角包十分鬆脆香口，牛油味香濃，

即使混合埋芝士火腿等濃味食材，亦遮蓋不了牛角包既香味～

火腿份量亦十分充足～芝士醬味道適中唔會搶過其他食材既味道

包內還有生菜同蕃茄，食落比較清新，即使用料比較heavy都唔會覺得太膩～

總𣿬三文治

三片方包整成既兩層三文治～

兩層分別夾入蔬菜同肉類，

眼見其中一層只得菜類以為會好淡口，

但原來下層既燒雞扒醬汁味道濃烈，帶點甜味

而且有雞扒，火腿，蛋等材料，所以非常豐富美味～

~之後到甜品了～

（其實當時我已經有啲飽既感覺）

香蕉巧古力冰琪淋鬆餅

 上枱時離遠已經聞到窩夫香～
真係好厚. . 好厚. . .
窩夫面十分脆身，中層及底部比較軟,
食落口感不錯，惜蛋味不夠，唔夠香，水準低於預期
當食多幾啖就開始覺得太厚. . 覺得唔太似甜品. . . 似食中式糕點
不過無可否認，厚身窩夫賣相係吸引好多
另外，吉士比較硬身，亦不夠香. . .就算窩夫加咗吉士食落亦唔覺香甜

最後係

黃金拿破侖千層派

 

外層撒滿酥皮碎，入面好有層次地一層忌廉一層酥皮

酥皮好鬆化，忌廉同酥皮層每層份量分佈適中，唔會太淡或太乾

不過忌廉如果香d會更加好～

友人覺得千層派質素比著名既窩夫還要好～ 

  

~後記~

覺得咖啡弄係製作酥皮類食品較為出色～

假設下次再去，會再食多次牛角包～同試下其他野～但唔會點窩夫～

不過短期內應該唔會再排甘耐隊去食住～等遲d少人d都先會再去～

另外，可能因為我地叫得多野食，只可以坐90分鐘，覺得唔太足夠

~價格方面~

叫咗甘多野食，而且每份既份量都唔少，賣單392蚊，都算價格合理～

 

 

 

咖啡弄 Coffee Alley

尖沙咀漢口道38號漢興大廈1樓



堂食等位時間: 90 分鐘

用餐日期: 2014-07-26        

是次消費: 每人約HK$200 (午餐)