長洲平記-長洲糯米糍比一比（二）

食完晚飯後諗住近近係附近買少少糯米糍返屋企做長洲手信先坐船返屋企，見到「平記」排咗條人龍，人排我又排～不過兩個人諗住買返十個八個返去，都係買返一個試試味先

糯米糍一個個排好晒係舖前，後面一路包緊，算係即包即賣，芒果同榴槤同價，都係$10蚊。外表上芒果明顯比榴槤大個同吸引，但由我倆都比較喜歡食榴槤，所以先買個榴槤試下先～

榴槤糯米糍 $10
［評分：5/10］
圓滾滾的外形，同一般糯米糍無異，咬咗細細啖，完全食唔到榴槤，再咬多啖先食到，但只係得勁少榴槤係邊位，中間深色地方都只係糯米粉糰，今次真係「淡淡嘅榴槤香」了，淡到覺得自己係食緊糯米麵糰。唔洗講. . .都係去第2間買算了


長洲平記 (長洲)
長洲北社海傍路19A號地舖
～～～～～～～～～～～～～
總消費：$ 10
味道：5/10
環境：6/10
服務：6/10
衛生 : 6/10
抵食 : 4/10

Sweetly Sweetie-長洲糯米糍比一比 （一）

入到長洲，當然要食芒果糯米糍～開到周街都係，今次去一連試咗3間嘅糯米糍，睇下邊間又大又抵食～

首先第一間喺係橫街入面嘅Sweetly Sweetie，最先比佢吸引到嘅其實喺舖外一個裝住一個個唔同顏色嘅冬甩雪櫃，但要成$45蚊一個，好似唔太扺食就無試到～

之後望下旁邊，有個姐姐係到包緊糯米糍，細心睇下，芒果嘅份量竟然有半個甘多，而價錢亦同其他一樣都係$10蚊，緊係買個試下！

芒果糯米糍 $10

［評分：8/10］

糯米糍足足有一隻手心嘅長度，外皮比較薄，入口帶點微黏，質感較軟，如果可以加厚少許，口感更好，而芒果，帶點微酸，但尚可接受，芒果較其他的長但相對比較薄一點，不過份量還是較一般的多，相當不錯呀

Sweetly Sweetie (長洲)

長洲大新海傍街86號A舖

～～～～～～～～～～～～～

總消費：$ 10

味道：8/10

環境：8/10

服務：8/10

衛生 : 7/10

抵食 : 7/10

Kiss Ice-cream-葵廣新開雪糕店

葵涌廣場又有新店開咗啦～成日上3樓搵野食，早幾日就見到有間新開嘅雪糕店～當然要搵機會試下～

又係受到韓風影響，當然有依排最（興）嘅木糠雪糕～木糠雪糕都有幾個口味選擇，例如：焦糖木糠、蜂蜜木糠或者可以自己再額外添加配料。另外重有好幾款比較普通既Oreo味、 朱古力彩針同杏仁脆片等

配料方面也有好幾款選擇朱古力/彩虹朱古力碎、Oreo、脆皮、朱古力邊、彩針邊、棉花糖、木糠、杏仁粒、杏仁片、海鹽、野莓或朱古力醬等

配料就放在前方，食客可看著店員加到雪糕上

木糠焦糖雪糕 $22 + 朱古力邊 $2
［評分：7/10］
識食一定揀最特別嘅木糠雪糕一試～脆筒加咗雪糕後再配上焦糖醬，最後灑上大量木糠，再套上唇形紙圈，防止木糠或者雪糕整污糟對手。木糠口感脆脆地，由於入面加入咗焦糖漿，所以甜度較高，而雪糕標榜住用澳洲純牛奶製造，入口香滑，充滿奶香，而且不帶膩感。但最可惜嘅係，朱古力邊脆筒，竟然只係即時塗上一層朱古力漿，除咗無想像中嘅朱古力脆皮之餘，朱古力漿重要濕濕地. . .應該改名成朱古力漿脆筒吧！不過脆筒都算鬆脆嘅


Kiss Ice-cream (葵芳)
葵芳葵涌廣場3樓85A鋪
～～～～～～～～～～～～～
總消費：$ 24
味道：7/10
環境：7/10
服務：7/10
衛生 : 7/10
抵食 : 6/10

鳴橋燒肉料理 - 抵食日式燒肉

年廿九放工後相約同事晚飯，但等丫等，等了個多小時同事才完成工作，收拾好東西後就快快趕到餐廳，幸好店內還有位置，要不然就要找過其他餐廳了～到達前其實還發生了一段小插曲，就是我看錯了地鐵旺角出口，原來是油麻地A出口才對！害我走多了很多路呢

舖前擺放著一塊大牌寫上了$178一位，+$40可升級任食6款食品：馬刀貝、帶子、帆立貝、牛肋肉、海蝦及芝士蛋糕

場內環境不算太大，分為上下兩part似的，中間隔有一條樓梯，甚有日式的感覺，不過略嫌環境較窄，內進時有點困難

除了晚市外，原來餐廳還有午市及宵夜套餐，午市就像一般的日式餐廳，設有一份份日式便當，而宵夜則是一份份預設份量的燒烤套餐，當然還有一埋小食可另加

而燒烤類大概分成9類：肉類、野菜、和食、炸物、刺身、海鮮、甜品、飲品及升級類

為免「痴底」爐面早已鋪上一張燒烤紙，上方塗上了一層面，果然比一般的更易控制，容易翻轉

刺身

［評分：8/10］

首先當然要來點刺身，一共點了3款：三文魚、甜蝦及帶子，三款同樣新鮮，三文魚充滿了魚脂香，甜蝦鮮甜，帶子片更是放題少見，入口質感軟軟的，若果可以厚切一點相信口感更佳

虎蝦刺身

［評分：6/10］

原來每位也會附送一隻大虎蝦～處蝦已預先除去外殼方便進食，入口啖啖肉的，但頭部有點微腥，但不怕腥的我覺得可以接受的，但友人就感覺一般了

前菜

[評分:6/10]

蟹籽沙律除了青瓜絲、蟹柳及蟹籽外，竟然還加入了我討厭的紅蘿蔔絲，而且雪得不多凍，所以感覺一般

肉類

[評分:8/10]

終於正式要燒肉了～愛牛的我倆第一輪分別點了:一口和牛、鹽燒牛舌、汁燒牛柳肉及牛肋肉，另外還有雞翼和雞軟骨～餓壞了的我倆快快的一次過就把肉食放到鐵板上，希望快點燒熟！最愛的還是一口和牛，不過烤製時需要耐一點時間，先再4邊2面燒下，再慢慢烤熟內部，令和牛粒的肉汁得以保存，亦富嚼感，細嚼下帶牛肉香，層次豐富。至於牛舌則比較硬身不夠爽脆。牛肋肉的肉香則較牛柳肉豐富，口感較嫩。而雞軟骨，同樣是我的至愛～入口既爽脆又香口～

豚肉及羊肉類

［評分：8/10］

芝士豚肉原來是在豚肉上灑滿大量的芝士粉，經烤烘過後，豚肉邊位烤至微脆，除了帶肉香外而且芝士味更能特出，正～而羊肉則大大件的，略嫌肉質不夠嫩滑，而且欠了一份羊肉騷香，有點可惜

海鮮

［評分：7/10］

要了大只大蝦、青口及墨魚軟骨一試。大蝦相當巨形，肉質尚算爽口。青口沒什麼特別。而墨魚軟口感爽脆非常，較雞軟骨軟身一點，較易嚼開

丸類

［評分：8/10］

四四方方像個小盒子的就是芝士麻吉燒～外層是一層魚蛋似的外皮，口感帶韌力，而夾雜在內裏的，是芝士軟心，帶啖啖芝士之餘口感煙韌～味道不錯

Encore類

［評分：8/10］

接近尾聲時，再encore來點最好呢的牛類及芝士豚肉就飽飽了～

甜品

［評分：7/10］

最後當然是甜品～先吃一粒雪糕糯米糍～再來一個意大利芝士餅，四四方方，不算大件，不怕太飽做成浪費，帶淡淡咖啡香，但始終是芝士類，所以質感較膩～一件已足夠了～

鳴橋燒肉料理 (旺角)

旺角砵蘭街104號

～～～～～～～～～～～～～

總消費：$ 480

味道：8/10

環境：7/10

服務：8/10

衛生 : 8/10

抵食 : 8/10

長洲東源小食店-特色梅汁大魚蛋

這次又再來到長洲，知道長洲周街也是小吃店，所以沒有吃午飯就直接坐船入嚟，二話不說就直接走到美食街，這次試下這間專賣大魚蛋的東源小食店

點解會話喺專賣大魚蛋？因為舖頭前只係見至6大鍋大魚蛋，竟有6款口味供選擇，有:咖哩、黑椒、青咖哩、沙嗲、梅汁同燒烤醬味，$10蚊1串，1串2粒。可選不同味道～

大魚蛋 （黑椒及梅汁）

[評分:8/10]

先試一口中辣的黑椒味魚蛋，質感夾彈，表面帶點黑椒微粒，入口蠻辣的，但愛辣的友人則覺得惹味非常。而我就比較喜歡梅汁的那粒，味道酸酸甜甜的，甜味較重，而口感則較黑椒的那粒硬一點，但內裡爽彈仍然。不過說真的，$10蚊2粒不算太便易，但黎到長洲總是要吃吃大魚蛋才滿足呢～

長洲東源小食店 (長洲)

長洲海傍街30號後座地下

～～～～～～～～～～～～～

總消費：$ 10

味道：8/10

環境：6/10

服務：7/10

衛生 : 6/10

抵食 : 6/10

一品螞蟻-午市套餐沒餐湯，可惜

假日到屋企附近午飯，好像很久沒到過一品螞蟻，看到適格中等又無需等位，就直接入內再考慮吃甚麼

午市套餐選擇不多，西式午餐主要有8款選擇，另外還有少量粉麵等供選擇，但西式套餐原來只包一杯西瓜汁或餐茶，沒有餐湯，難怪價錢不算太貴

香煎鳳尾蝦伴雞粒楠瓜忌廉燴飯 $60
［評分：7/10］
其實看到餐牌，感覺沒甚麼特別，最後選擇了燴飯。賣相比相像要好，濕潤的燴飯面放上了5隻香煎鳳尾蝦，還有一條長長的楠瓜條～擺放漂亮～

彎彎的鳳尾蝦大算大隻，但已預先挑走蝦腸，經煎過後入口頗香，口感爽彈，一啖一隻剛剛好～而楠瓜則煮至淋身，甜度頗高，相當不錯

至於燴飯，充滿了大量的忌廉汁，入口香滑，另外還加入了雞肉粒提鮮及增加口感，有點可惜的是飯粒相對軟身，還是比較喜歡有口感的飯粒～

台式肉燥蔥油雞扒伴香草炒天使麵 $58
［評分：6/10］
友人則揀選了較乾身的炒天使麵，天使麵太乾之餘亦沒甚麼味道，雞扒頗大但不算厚身，幸好雞肉尚算嫩滑。最好吃的還是肉燥粒粒，惹味之餘與天使麵混合後，令天使麵口感不會過乾，總算挽回一點分數




一品螞蟻 (葵芳)
葵芳興芳路223號新都會廣場1樓189-195號舖
～～～～～～～～～～～～～
總消費：$ 137
味道：7/10
環境：7/10
服務：6/10
衛生 : 7/10
抵食 : 7/10

澳門翠苑茶餐廳 - 巨型農夫包

每次來到旺角要吃午飯時，第一時間就會想起旺角熟食中心，一來是由於食物款式夠多，二黎是有兩間又平又抵食的餐廳深得我心，一間是雙餸套飯，另一間就是吃農夫包的「澳門翠苑茶餐廳」

除了一般的快餐食品外，還有主打的豬仔包及咖哩農夫包～兩款分別也有數個口味供選擇

咖喱牛腩農夫包餐 $60
［評分：8/10］
套餐連餐湯及飲品，凍飲加2蚊。為免咖喱汁把農夫包浸得濕濕淋淋，所以與咖喱汁分開擺放，而牛腩就早已藏於農夫包內。餐湯方面每次也是一樣的，只有羅宋湯～

羅宋湯
［評分：8/10］
味道較酸，茄味香濃，還有大量煮至淋身的雜菜，醒胃非常～

咖喱牛腩農夫包
［評分：8/10］
打開農夫包包面就能看到一件件的牛腩藏在包內，取出看看，份量中等，但只有一件比較大，其餘大部份的也比較零碎

牛腩肉質不算太嫩，但尚算腍身，腩與腩之間夾雜了一層脂肪，味道頗香。而咖哩汁，稠度較稀，不帶辣味，但味道頗香。而農夫包，外皮頗脆，內裏由於吸收了肉汁，所以較為濕潤，撕開農夫包再沾一些咖哩汁及牛腩同吃，味道不錯～

澳門翠苑茶餐廳 (旺角)
旺角上海街557號旺角熟食中心2樓8號舖
～～～～～～～～～～～～～
總消費：$ 62
味道：8/10
環境：5/10
服務：6/10
衛生 : 5/10
抵食 : 8/10