💎入手鑽石耳環小貼士💎

鑽石耳環可謂女人飾物盒中不可缺少的一項，它可以隨不同設計肆意或低調地點綴耳垂，不論是在任何長度或顏色的秀髮上都能閃爍光芒，將側面輪廓的好看程度提升不少。若然有人替你拍下側臉或三七分臉的大特寫讓你看看，你會暗自裡慶幸當初有當機立斷入手了一對鑽石耳環。看過有專家的報導，有三大經典款式，那款最值得入手呢？

 耳釘款鑽石耳環，是最百搭最值得大手購入的長青款。論穩妥，它是放到任何造型、場合上都無可挑剔的，特別是面試、上班配戴都十分大方得體。它自身的光芒已經足以凸顯氣質，不論你走那種風格路線，氣質都能有所提升。擅長社交的配戴精緻款式能更耀眼，成為眾人的焦點；女強人的配戴原顆鑽石設計更加氣場大開，高貴且有威嚴；平宜近人的配上碎鑽簡約款則顯得溫婉可人。   

圈形款鑽石耳環，是唯一繞着耳垂到後方而成一圈的的款式，能將別人的眼球吸引到後方，特別當頭髮盤起成髮髻時，露出的圈形鑽石耳環，會讓人禁不住去留意耳垂後，甚至後頸的位置，十分誘人！對於喜歡在約會前悉心打扮，在細節上花心思的女士來說，十分值得擁有。   

吊式款鑽石耳環，最適合出席特別場合例如婚宴、大型活動等。設計挑華麗還是簡約可按身份而定，就以一場婚宴為例，新娘子及主家席作為主角，盡可大膽配戴華麗墜吊款式，而伴娘則可選簡約設計，既顯得隆重又不怕喧賓奪主。吊式款鑽石耳鑽就像戰衣一樣，每個女人都應該有一套以備不時之需。   

想知道哪裡可以買到哪裡可以買到性價比高的鑽石耳環?可以登入BAUNAT官網旗艦店，有多款經典鑽石耳環可供選購，還有很多小貼士可供參考。預約親臨BAUNAT香港體驗店，試戴及拍幾張完美的側臉照，看看戴上來自全球鑽石之都比利時安特衛普的鑽石耳環的你會怎樣！ 

https://www.baunat.com/hk

丸十日本食堂-壽司漢堡夠吸引

知道屋企附近新開左間日本野，特登趁假期帶屋企人去試吓！日本野真係好受香港人歡迎，即使係新開無耐，食飯時間都要排隊先食到。

秘製磯煮鮑魚 $128

［分數：8/10］

首先嚟個開胃前菜，秘製磯煮鮑魚！鮑魚煮得唔夠淋又入味，凍食入口口感覺清涼，鮑魚夠鮮味。啱啱好每人一件試一試，開下胃口～

炸軟殼蟹壽司漢堡 $98

［分數：8/10］

丸十最有特色嘅係有幾款壽司漢堡供選擇，我媽咪就最鍾意食炸軟殼蟹，鍾意佢香脆可口~

炸軟殼蟹壽司漢堡入面，除咗有原隻炸軟殼蟹之外，仲有少量蔬菜同完塊芝士。軟殼蟹入口香脆，而上下兩塊壽司漢堡包，米飯一邊中混合左芝麻同牛蒡，所以食落特別香口惹味！

澳洲和牛烏冬 $138

［分數：8/10］

而我爸爸就揀咗澳洲和牛烏冬，澳洲和牛肉質都幾腍，中間帶有少少肉汁，唔會燒到過老。

不過爸爸最欣賞嘅係啲烏冬，烏冬入口彈牙又夠滑，入面仲有隻溫泉蛋添！

將烏冬拌埋溫泉蛋一齊食，味道同口感就更加香滑喇！

鵝肝 $65/串

［分數：7/10］

燒鵝肝一串有兩少見件，鵝肝都算幾厚身，雖然有部分位置燒得過咗少少火位，但燒完總算做到外邊帶微脆，而入面依然保持嫩滑，油脂味都幾香。

自家製鰻魚玉子燒 $68

［分數：7/10］

因為戒嘅澱粉嘅關係，所以我就揀咗鰻魚玉子燒。玉子燒外層蛋味都幾香，入口軟綿綿，入面仲有包著一小件鰻魚，再配上少少鰻魚汁，為玉子燒提味，令味道變得不會單調，如果有埋芝士就更完美喇！

丸十芭菲（草莓） $78

［分數：8/10］

甜品方面，就揀咗草莓味嘅芭菲！真係好靚好吸引啊！入面有士多啤梨雪糕、忌廉、棉花糖、士多啤梨果醬、士多啤梨果肉、馬卡龍、朱古力脆條。馬卡龍唔會太甜，外層脆身內裡煙韌，非常唔錯！士多啤梨果肉夠甜，雪糕忌廉同士多啤梨果醬配搭得好好，唔會出現過甜或過漏嘅感覺。酸酸甜甜嘅芭菲，真係好適合作為飯後甜品～

********************************

丸十日本食堂 (葵芳)

葵芳興芳路223號新都會廣場4樓484-487號舖

*********************************

以上消費：$705

味道：8/10

環境：8.5/10
服務：8/10
衛生：8/10
抵食：7/10

The Farmhouse - 新酒店。新Buffet

爸爸媽咪結婚週年紀念日，同佢地食餐好慶祝下～喺網上見到介紹，北角一間新落成嘅酒店「Hotel Vic」入面，有間叫「The Farmhouse」嘅餐廳做緊優惠，只要讚好佢地Facebook就有85折優惠！見食物款式都有幾多元化，所以就訂定位同佢地試下～

「Farmhouse」顧名思義，用咗農場作為主題，所以全場都係以「木」嚟做主體，再加上一啲綠色植物作點綴。地方尚算寬躺，窗邊位置仲可以邊食邊欣賞夜景。

入到去最先會見到放滿甜品、冷盤、沙律同前菜嘅雪櫃。 Cold Cut選擇都算多，有莎樂美腸、巴馬火腿、風乾牛肉同火腿片，再配上芝士作為頭盤都係唔錯嘅選擇。

然後就會見到放滿海鮮嘅凍櫃，有麵包蟹、波士頓龍蝦、翡翠螺、凍蝦同大蜆！後面有個鐵籮，做到啲龍蝦好似一瀉而下嘅感覺。

有一樣幾令人意外嘅係，餐廳設有鮮搾果汁，有專人負責即叫即搾，旁邊用嚟搾汁嘅生果有時會轉下，但主要會以蘋果、雪梨為主，另外亦會有甘筍、西芹呢類蔬果。最好嘅係，鮮搾果汁可以無限添飲，唔似一般自助餐，只包一杯咖啡或茶。

刺身櫃同樣有專人負責，大大隻嘅赤蝦最為吸引，其次係厚厚嘅帶子，另外亦有油甘魚、三文魚、吞拿魚、八爪魚等刺身⋯

再行入啲，就係擺放熱食嘅地方。首先會見到大大舊即切西冷。而另一邊就有燒羊𣕧、燒牛仔骨、煎三文魚、吉列豬排等肉食，旁邊仲有薯角同粟米粒，可當作拌菜。

最吸引我嘅就係呢個大圓芝士！意粉即叫即製，有意粉、通粉或闊條麵。配料就有辣肉腸、蜆肉、洋蔥及彩椒。而醬汁，就可選蕃茄醬/白汁。意粉將近煮好時，大廚會加入大量的芝士跟意粉拌匀，芝士味甚濃！

東南亞食品方面，就有多款不同口味的咖哩及薄餅供選擇。薄餅有厚有薄，咖哩亦有羊肉、牛肉及蔬菜可供選擇。

港式食品種類甚多，上至燒味，下至街頭小食亦有提供。燒味方面有即切乳豬、叉燒、油雞⋯街頭小食就有咖哩魚蛋、豬皮、蘿蔔、牛肚等等⋯

有西式即煮意粉外，亦有中式即製粉麵，配料比西式多一點，有牛腩、牛筋、扎肉、豆卜及蔬菜等⋯

旁邊還有數款蒸點，有馬拉糕、蒸餃、奶黃包及荷葉糯米飯～

甜品方面，有蛋糕、曲奇、酥餅、泡芙可自行任取。亦有即焗梳乎厘及即製班戟供選擇。

而最特別的，就是設有大大部旋轉雪糕櫃，關上時雪糕櫃會自轉，轉到心水的雪糕/雪條時，才開雪櫃取出即可。雪糕/雪條方面，有經典的紅豆樂、橙冰、鳳仙，亦有Häagen-Dazs及Mövenpick ！

龍蝦唔會食完一轉就無，所以可以等佢拎過一批新嘅出嚟先出去拎～可以揀啲滿晒橙色膏嘅～

食物款式都算多，每樣試一件都已經夠晒飽～食物方面會推介羊𣕧～肉質夠嫩滑，大大件，燒得唔錯～

自助晚餐價錢：
星期一至四 成人每位$598、長者及小童每位$299
星期五至日、公眾假期及前夕 成人每位$668、長者及小童每位$334
(+10%服務費)

******************************

The Farmhouse

北角北角邨里1號海匯酒店西座2樓

******************************

以上消費：$600/位

味道：7/10

環境：8/10
服務：8/10
衛生：7.5/10
抵食：7/10

蔡瀾越南粉-慕名而來

由食家「蔡瀾」開嘅越南粉，單係個名已經吸引到唔少人慕名而來！新店位於中環地段，以為價錢會好貴，但牛肉粉最平$68蚊已有交昜，而且越南粉係免費任加！即係$68蚊包飽！喺中環嚟講都真係幾抵食！

餐廳主打當然係一系列嘅越南粉，可自選不同組合。亦有湯檬、多款小食、沙律、時菜、甜品同飲品供選擇。

特別牛肉湯河粉 $128

［分數：8/10］

特別牛肉湯河，最特別之處就係可以俾你一次過試齊7款自選配料，當中包括：生牛肉、金錢腱、牛腩、牛筋、貝殼牛肉丸、銅錢牛鞭花同牛栢葉。

另外，仲會附上大量香葉俾你自行加入，有九層塔、鵝芥、洋蔥、芽菜等等⋯

生牛肉、金錢腱、牛腩

先講講肉類，每樣有少少，生牛肉比較薄，送上黎時半生熟，啱啱好。金錢腱厚身少少比較有口感。而牛腩都煮得夠腍。

貝殼牛肉丸、牛栢葉

牛丸有兩粒切半，入口爽口彈牙，唔錯。牛栢葉幾爽口，不過切得比較細件。

銅錢牛鞭花、牛筋

銅錢牛鞭花同牛筋切得比較細粒，所以搵咗一陣先搵到，呢兩樣味道會比較淡，牛筋好腍，牛鞭花帶少少韌力。

越南粉

先講講湯底，入口都幾鮮甜，唔算太油，因為鐘意濃味啲，所以自己放咗好多香葉同青檸落去，味道更加豐富。而越南粉係由餐廳自家制作，入口好滑，質感好輕盈，不知不覺就食晒一碗。食完可以再添～會用碗仔裝一碗俾你～澱粉控啱晒！

越式炸春卷 $48

［分數：8/10］

炸春卷即叫即炸熱辣辣，用生菜包著食，減少膩感就啱晒～入面肉絲、粉絲、蘿蔔絲、木耳絲，口感豐富又香口。

紅茶雪糕 $32

［分數：8/10］

雪糕有3種，分別有椰汁、紅茶及榴蓮味，而我就試咗紅茶味，茶味都幾香濃，甜而不膩，值得一試

越南多色冰 $28

［分數：7.5/10］

多色冰非常足料！入面有成5種顏色嘅配料，底下綠色同粉紅色嘅有啲似馬蹄，比較爽口。藍色係類似啫喱嘅粉條，而黃色就係綠豆。椰汁做底，上方仲有刨冰！好抵飲！

********************************

蔡瀾Pho
中環威靈頓街15-25號地舖

*********************************

以上消費：$236

味道：8/10
環境：8/10
服務：8/10
衛生：8/10
抵食：7.5/10