Trick Eye Museum - 3D藝術館

3D畫係香港都算興起咗一段日子，但一向少影相，所以未有刻意抽空去影相，日排個個去大帽山等睇落雪，而我都唔執書，去上咗山，不過係太平山！其實咁凍嘅天氣真係唔多想去！著到隻糉咁點影相！不過朋友話其實巴士直達，行幾步路已經到，室內唔會太凍，重可以順便睇下山上有無結冰添！咁...照去啦...

介紹返少少資料，位於香港山頂廣場的Trick Eye Museum黎自韓國原創。Trick Eye活用光影、明暗對比等繪畫技巧製造錯視效果，令平面畫呈現立體，帶來視覺上嘅震憾！而香港3D美術館就分5咗大主題展區，每張圖都有幾款拍攝角度，所以可以有多達70個唔同花款

入去之前已經見到第一個「吶喊」佈景，而每個佈景旁都會有幾幅相，遊人可以跟住相入面嘅角度同動作影出最岩心水嘅相～

門口位其實重有幾幅3D畫，不過入到去見到有隻船仔得意啲，所以嗱啉坐入去影咗先！不過話晒第一張，所以好正經咁坐定定影！不過起身時要小心啲，我一個唔覺意就一野撞咗落背後朵花花到...堅痛！

除咗牆上面有畫之外，其實有時地下都有得影~

依張其實試咗好多次先影得好！見到教學上面啲人做拱橋...算啦...係咁易倒下立算啦

好夢幻嘅紫色～睇返其實我應該要情深款款/含情脈脈咁同王子對望先岩

依幅⋯真係好難影！條晾衫竹好高⋯叫人幫我上咗去之後，唔到2秒我就甩手跌咗落黎⋯食得太多無辦法啦⋯唯有轉下個場景

依張都幾得意，不過唔係好知用咩表情，所以似係我想拉隻大象落去多過佢救我😂

依張我個樣就麻麻啦⋯不過像真度都幾高！睇見都feel到離心力

貓貓主題會比較普通少少，但顏色好鮮豔同豐富~而且好有童話嘅感覺

大白鯊相應該係好多地方都見過或者有類似嘅野，我承認我個樣係扮得唔夠驚嘅⋯

接近尾聲時就有幾張以香港做主題嘅佈景，大佛嗰張頭上面好似真係有道佛光！巨B嗰張就用咗灣仔維港做主題~不過我手捉嗰條麻繩都幾界手，hold唔得耐

最後都重有條食人魚係門口第緊人出去！其實上面只係少部分相片，雖然話自己好少影相，但入到去見到啲野咁過癮又會不自覺地影咗過百張相嚕～

.

Trick Eye Museum

Shop No.1 level three, the park Galleria 118 Park Road