自家製 - 八寶糯米鴨

I 

第一次正式上烹飪班，無諗過會挑戰咁高難度！成隻鴨放係到要自己慢慢起骨，起咗我成粒鐘！起完之後就要混合好啲餡再釀入鴨身，封好個pat pat之後就炸得～炸完之後漲卜卜，勁吸引！最後拎返屋企再蒸個半小時就大功告成！自己整又有成功感又覺得特別好味呢

星期六下午放工後就直接去咗希慎9樓嘅煤氣烹飪中心上堂

環境都幾乾淨同靚

材料已經放好晒係枱面，有原隻大鴨、糯米、燒肉、冬菇、蛋黃、蒜粒、瑶柱、百合同蓮子等. . .

之後再睇師傅教學，教我地點起骨，釀料同炸咗佢

開始自己落手落腳做啦～幾經辛苦，用咗接近1小時，終於將成隻鴨鴨起骨！都算起得唔錯啦！

起完之後就要醃一陣，上色同入味

然後將其他配料混合同調味，再釀晒入鴨入面，再封返個pat pat (真係覺得自己整得好靚)

排隊等師傅幫我地炸

其實一落油鑊啲油不停周圍彈，但師傅係厲害嘅！完全唔怕咁

到我嗰隻啦～超期待

炸完之後漲卜卜，又香又可愛呀！

師傅整嗰隻就比我地試味～好好食，蒸完之後好腍好入味，又唔會太鹹

拎到返屋企重要蒸返個半小時先食得

好大隻超豐富呀～未切開已經聞到鴨香，糯米餡已經蒸到腍晒，做節一流呀～屋企人都大讚！

當日食譜