終於可以Chill一Chill！

咁耐無出去食野，今次終於到我去Chill吓喇！呢間餐廳位於銅鑼灣V Point嘅30樓，由於樓層較高，一邊可以睇到高樓夜景，而另一邊露天位置仲可以睇到海景添～

不過由於當晚落大雨，所以無得坐露天位置，與海景無緣⋯好彩仲有高樓夜景，夾雜著閃電雷雨，又係令一種感覺。

Oyster Motoyaki $196@4

［分數：8/10］

精緻嘅焗蠔2件為1份，加入咗蛋黃醬同芝士去焗，芝士焗至金黃，表面帶微脆，香口非常。而蠔肉嘅時候控制得啱啱好，濕潤有口感，同蛋黃醬好夾。

Korean Wagyu Tartare $198

［分數：8/10］

最令人期待嘅和牛他他！賣相吸引非常！

食之前將蛋黃、雪梨、和牛拌勻。拌匀後，他他入口嫩滑非常，還有點芝麻香，若果牛味再濃一點就更好了

Pan-fried Cod with Tomato and Thyme Sauce $168

［分數：8/10］

鱈魚皮煎得帶點金黃焦面，入口帶微脆。雪白嘅鱈魚肉質嫩滑。旁邊再配有少量蕃茄同百里香醬汁，可以去一去膩感～

Clay Pot Chicken Piti Piti $178

［分數：7/10］

呃like一流嘅菜式！因為雞煲送上黎之後會再加入玫瑰露再點火～雞脾皮同樣經煎過，所以變得薄脆香口。另一樣最特別嘅係，雞脾上方放有臘味碎粒，好香口好好食～

Mentaiko Udon Carbonara $138

［分數：8.5/10］

提到Carbonara 最為人熟悉一定係意粉，但佢地就用咗烏冬去取替～先將蛋黃拌匀再食，因為加入咗明太明，所以帶微辣。另外亦有加入煙肉同金菇，醬汁稠度甚高，又香又有口感。

The Jasmine Fairy $138

［分數：8/10］

用了天鵝玻璃酒杯盛載著，送到時還霧著煙，打卡一流！小小的玻璃天鵝內，一共混合了7種材料！當中包括了Vodka,Jasmin Liqueur,Ginger Liqueur等⋯入口甜甜的，非常適合女仕～

Blueberry Smoothie $98

［分數：7/10］

朋友選了一杯無酒精嘅冰沙，藍莓係用鮮果打出嚟，有少少果肉夾雜喺沙冰之中，飲落唔會好甜，有陣糖果嘅味道，好解喝。

Shisha - Zeng Hookah $390

夜少少餐廳會教暗啲燈光，之後開始有人陸陸續續叫Shisha～ 店方推介咗一款佢地嘅特色口味俾我地-grapefruit mojito，底下有啲生果同薄荷，清清地有啲薄荷味，幾特別～

👇🏻👇🏻👇🏻👇🏻👇🏻👇🏻👇🏻👇🏻

Zeng (銅鑼灣)

銅鑼灣登龍街18號V Point 30樓

📍📍📍📍📍📍📍📍📍📍

想睇更多吃喝玩樂資訊？Follow我啦！

FB：stellasheafoodiary

Ig： stellasheaa

Blog：Stella's hea食玩部屋

YouTube : https://www.youtube.com/channel/UCXPATomyWsZumEe4cT4OBEw

🌕月餅節又嚟喇🌕

屋企人一向覺得傳統月餅太甜，所以都係應下節食少少就算！而今年奇華竟然出咗「迷你無花果果仁月餅」！一見到就覺得啱晒鍾意食無花果同果仁嘅屋企人！

無花果果仁月餅 $248/8個

細細個每次食一個都唔怕～入面充滿著果乾同果仁！咬落去會感覺到啲花果籽嘅粒粒，仲有其他乾果，質感有啲似鳳梨酥嘅餡。果仁方面就有合桃同杏仁～食落有口感，甜而不膩，我自己都好鍾意，推薦！

-Sanrio 迷你奶黃月餅禮盒 + Sanrio 麻布袋乙個 $198/4個裝（迷你蛋黃奶皇月x2、迷你朱古力奶皇月x2）

-Sanrio 迷你奶黃月餅禮盒 $40/個

（Hello Kitty 迷你蛋黃奶皇月、My Melody 迷你蛋黃奶皇月、布甸狗 迷你朱古力奶皇月、Xo仔 迷你朱古力奶皇月）

👆🏻👆🏻👆🏻👆🏻👆🏻👆🏻👆🏻👆🏻

呢兩款嘅口味係一樣，不過包裝上就好唔一樣，各有特色！單個裝嘅鐵罐設計得超可愛！而4個裝仲會另外送埋麻布袋添，好實淨夠晒耐用！

兩款奶皇月可以先翻熱再食～依加最方便就係放入氣炸鍋，用160°C加熱3-4分鐘，拎出嚟放涼1-2分鐘。餅皮就會變得鬆化，內餡亦會更加香軟！

果味乳酪奶皇月 $225/8個

（草莓乳酪奶皇月x2、朱古力乳酪奶皇月x2)

最後仲有一款係比較特別嘅乳酪奶皇月，加入咗生果同乳酪，入口酸酸甜甜，感覺更加似甜品，食落甜而不膩唔會漏~小朋友應該會最鍾意依款~

換購其他Sanrio精品：

買任何野滿HK$50，即可以$45換購Sanrio防UV雨傘、$35換購Sanrio旅行收納袋套裝，或者用$68一次過換晒Sanrio防UV雨傘同旅行收納袋套裝！薰衣草色真係好靚！Sanrio迷一定唔可以錯過～

👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

奇華餅家

📍📍📍📍📍📍📍📍📍📍

想睇更多吃喝玩樂資訊？Follow我啦！

FB：stellasheafoodiary

Ig： stellasheaa

Blog：Stella's hea食玩部屋

YouTube : https://www.youtube.com/channel/UCXPATomyWsZumEe4cT4OBEw

🍰軟綿綿古早蛋糕🍰

屋企人減少外出，所以每次出開街都會買多少少野返去，補給一下糧倉！近排真係好鍾意買定啲#古早蛋糕 ，貪佢可以分開食足幾日～測試過第一日食完，之後放入雪櫃，第2日拎返出黎凍食完全無問題。第3/4日嘅話，就可以放入微波爐叮一叮，叮返就會即刻聞到蛋香味～

黃金芝士 $75

鍾意芝士嘅我，每次都實會買個芝士味！平時多數都只會中間有芝士，但呢間上層都會有啲芝士粒，而中間位置就會有一層芝士～想芝士味再出啲/有溶溶地嘅口感，就可以放入微波爐叮一叮～最好嘅係芝士味唔會蓋過蛋香，帶少少鹹味，好食！

抹茶紅豆 $75

抹茶紅豆口味同一般古早蛋糕有啲唔同，食落蛋香會變咗抹茶味，而底下就會有啲紅豆粒粒，唔係軟淋淋嗰種，所以有口感得黎又唔會過濕。蛋糕有淡淡嘅抹茶味，但又唔會苦，食落口感一樣鬆軟。

🍵🍵🍵🍵🍵🍵🍵🍵

2款古早蛋糕食落完全感覺，食多幾日都唔會覺悶～啱晒屋企人成個星期先落一次，放喺屋企慢慢食～

有間本舖 (灣仔)

灣仔軒尼詩道365-367號富德樓地舖

📍📍📍📍📍📍📍📍📍📍

想睇更多吃喝玩樂資訊？Follow我啦！

FB：stellasheafoodiary

Ig： stellasheaa

Blog：Stella's hea食玩部屋

YouTube : https://www.youtube.com/channel/UCXPATomyWsZumEe4cT4OBEw

🍫金莎朱古力格仔餅🍫

連中午都無得堂食，唯有乜都買返屋企食！但有時出去做野⋯無得返去食就唯有企街食⋯唉⋯無乜必要都係留喺屋企做廢人算⋯

金莎朱古力格仔餅 $25

喺商場聞到好香雞蛋仔味，行入啲見到有間都幾大嘅雞蛋仔專門店，不過見雞蛋仔無乜特別，所以就揀咗呢款金莎朱古力格仔餅！

即叫即整，熱辣辣。金莎朱古力醬都算多，有啲脆粒喺入面，幾有口感，朱古力嘅味道亦唔錯。格仔餅都幾厚身，不過外層表面唔係脆身，同埋始終朱古力醬比較傑，所以食落都幾乾。

不過整體嚟講都Ok，而且好飽肚，食完一件就飽晒！另外佢除咗有雞蛋仔同格仔餅外，亦有比較少見嘅冷糕，不過一次真係試唔晒，下次有機會都想試下～

👇🏻👇🏻👇🏻👇🏻👇🏻👇🏻👇🏻👇🏻

雞蛋仔專門店

大埔安慈路4號昌運中心榮昌閣地下14A號舖

📍📍📍📍📍📍📍📍📍📍

想睇更多吃喝玩樂資訊？Follow我啦！

FB：stellasheafoodiary

Ig： stellasheaa

Blog：Stella's hea食玩部屋

YouTube : https://www.youtube.com/channel/UCXPATomyWsZumEe4cT4OBEw

🥑牛油果控必試🥑

成日去K11 Musea 底層都係買完麵包就走，今次終於抽到時間去試吓依間主打 #牛油果 嘅餐廳！環境都幾靚，好色彩繽紛，打卡影相一流！

不過座位就唔多好坐，因為張枱正中間有條鐵，一係唔可以坐正，一係就要擘大對腳，唔多方便～

食物方面，當然大部分食品都有加入咗牛油果，有All day Brunch, salad, burger, dessert, drinks 等等...但因為食物份量唔算太多，味道中規中矩，所以感覺價位稍為偏貴，當日叫咗3樣野已經$425，食完無乜飽嘅感覺⋯

Avobar Cobb Salad $148

［分數：7.5/10］

打卡必點，賣相擺得好靚，不過其實除咗水波蛋同用牛油果砌成嘅玫瑰花睇落比較特別之外，其他都只係煙肉、粟米、芝士碎、3隻蝦、蕃茄仔⋯仲有少少生菜墊底⋯

味道方面不過不失，水波蛋表層比較厚，蛋黃汁唔算好多、粟米香甜好食、蝦都爽口、煙肉就唔會太乾，幾香口、芝士碎帶鹹香，可以撈埋蕃茄仔一齊食。

Avo Bun Beef $158

［分數：7/10］

原個牛油果當成漢堡包嘅底同面，其實見到有啲失望，因為實物都幾細個⋯同網上睇嘅有出入⋯入面嘅牛肉餡偏嚡而且味道好淡，加上牛油果又係淡味，無其事醬汁調味嘅情況下，感覺有啲單調。側邊仲有啲椰菜沙律，味道都係無乜驚喜～

Avo Banaberries Smoothies $80

［分數：6.5/10］

Smoothies入面同樣加入咗牛油果，仲有香蕉、雜莓、杏仁奶等等⋯都幾多材料，不過香蕉味太重，蓋過晒其他味，而且唔夠凍⋯質感好傑比較漏，不過就幾飽肚！但細細杯都成$80⋯性價比唔高⋯

Avobar (尖沙咀)

尖沙咀梳士巴利道18號Victoria Dockside K11 Musea B2樓B201-4號舖

📍📍📍📍📍📍📍📍📍📍📍

👉🏻想睇更多吃喝玩樂資訊？Follow我啦！

FB：stellasheafoodiary

Ig： stellasheaa

Blog：Stella's hea食玩部屋

YouTube : https://www.youtube.com/channel/UCXPATomyWsZumEe4cT4OBEw

🔥超大火！火焰半自助餐🔥

好耐無食過自助餐喇！咁大火仲唔係高溫消毒？！依加銅鑼灣維景酒店推出咗火焰半自助晚餐！前菜、沙律、芝士、甜品、果汁類係自取任食，價錢就按自己所選嘅主菜而定，價錢介乎$308-$388。另外，每位客人都會再送一份火焰龍蝦湯同埋火焰甜品！

🔥🔥🔥🔥🔥🔥🔥🔥

如果想食海鮮，可以再另加生蠔、凍海鮮拼盤、刺身船⋯我就試咗佢地嘅生蠔同凍海鮮！

#生蠔 每份有3隻，分別有法國、愛爾蘭、蘇格蘭，3款都非常新鮮，大大隻，好鮮甜！個人最鍾意愛爾蘭嗰隻，海水味適中，蠔身又夠肥美，連檸檬汁都唔洗落，直接啪咗，正！

🦪🦪🦪🦪🦪🦪🦪🦪

#海鮮 拼盤就有長腳蟹、青口、海蝦、翡翠螺。送到之後會喺乾冰上倒啲水，製造出仙境嘅效果，天氣咁熱辣辣，見到都覺得舒服！真係一晚玩齊冰火兩種感覺！

🦀🦐🦀🦐🦀🦐🦀🦐

食完海鮮類之後，餐廳亦準備好為我地表演第一場火焰表演！先嚟個火焰龍蝦湯！先將龍蝦肉炒香，再加少少酒，再點火！哇！啲火大到嚇一嚇！火完嗰吓個香味真係充斥住成個場！再將龍蝦湯煮熱就可以上枱！龍蝦湯夠香濃，仲有大大件龍蝦肉，好味～

🦞🦞🦞🦞🦞🦞🦞🦞

飲完湯之後，可以先去出面拎啲頭盤前菜食住先，再等下場嘅主菜表演！餐廳好體貼地要求每位客人都要帶好口罩，仲有一位職員專為客人帶同除手套！食物方面，我最鍾意佢地啲芝士，其中有款法國嘅Herbes Cheese，入口又香又Creamy，送麵包/餅干都一流！另外沙律吧有燒菠蘿！食主菜前食返幾舊開下胃口都唔錯！

🧀🍍🧀🍍🧀🍍🧀🍍

主菜方面，一共有7款選擇，當中有2款桌前烹飪精選，就係有得睇表演嘅款式！有牛柳同虎蝦選擇～我就揀咗田螺黑椒牛柳，另一份就揀咗清燒茄子銀鱈魚！火焰牛柳同樣會推格車仔出嚟，喺面前煎排同點火～喺面前即煎聞到嗰種香味，真係同平時好唔同！真係色香味俱全！牛柳五成熟，控制得啱啱好，表面輕輕煎過，做到鎖水效果，肉汁鎖住喺入面，入口嫩滑富肉香。個人覺得唔需要配黑椒汁都已經好好食～

🥩🥩🥩🥩🥩🥩🥩🥩

雖然清燒茄子銀鱈魚就無得玩點火，但味道都相當唔錯，鱈魚入口嫩滑，重點係魚皮煎得香脆！再加埋燒茄子、燈籠椒、洋蔥，整體感覺相對輕怡，食完都無乜罪惡感～

🐟🐟🐟🐟🐟🐟🐟🐟

食完主菜又可以出去行下拎甜品～有芝士蛋糕、朱古力蛋糕、啫喱、迷你果撻、朱古力、泡芙、生果外⋯仲有Haagen Dazs係任食嘅！丫！麵包旁仲有個暖住嘅椰撻！表面焗得乾身，有少少微脆口感，又唔會太甜。

🍰🥧🍰🥧🍰🥧🍰🥧

火焰甜品可以開估係咩喇～火焰車厘子！

做法有啲似煮蘋果金寶啲蘋果咁，加咗邪惡嘅牛油同糖煮，又點會唔香！點火後上碟，再加上一球雪糕、忌廉、杏仁片做點綴。車厘子好大粒同厚肉，入口酸酸甜甜，作為飯後甜品，完全唔會覺得漏～令人滿足！

🍨🍒🍨🍒 🍨🍒🍨🍒

服務方面要讚一讚，職員好有禮貌，好奇問下點火嗰位姐姐，用幾多度嘅酒先會咁大火？又問佢點到咁大火會唔會好危險😂我睇到都驚燒親手。佢都好有善咁同我地傾咗陣，原來佢地訓練咗2個月，無想像中咁危險⋯厲害厲害

👍🏻👍🏻👍🏻👍🏻👍🏻👍🏻👍🏻👍🏻

優惠方面：

依加喺Openrice買現金券，有75折。

用$75就買到$100現金券，無限1次用幾張。

📍📍📍📍📍📍📍📍📍📍📍

繽紛維苑餐廳

天后銅鑼灣道148號香港銅鑼灣維景酒店2樓

📍📍📍📍📍📍📍📍📍📍📍

👉🏻想睇更多吃喝玩樂資訊？Follow我啦！

FB：stellasheafoodiary

Ig： stellasheaa

Blog：Stella's hea食玩部屋

YouTube : https://www.youtube.com/channel/UCXPATomyWsZumEe4cT4OBEw