2017年12月13日 星期三

泰邊爐-好食到變”泰”


就因為見到 [好食到變"泰"] 充滿玩味嘅一句,成功喺瓊華中心咁多間食店之中脫穎而出而出,吸引到我同朋友上去睇吓有幾變"泰"!
最重要喺因為餐廳新開無耐,做緊優惠價!
7:00前賣單    $138(原價$178)
7:30—10:30 $158(原價$198)
10:30後入座   $138(原價$178) 


點菜紙上面嘅野食又真係幾泰式!唔係得個名~
主要有6款湯底,招牌泰陰公, 椰雞湯, 青咖哩湯, 蕃茄湯, 泰式豬骨筒湯, 泰嬤辣湯
主食方面就分為:肉類, 丸類, 沙律及粉麵蔬菜類
加碼項目就有串燒拼盤,大刀手切牛肩肉,泰Fresh船3款




場內環境好光猛闊落~水吧位置仲整到好似一間泰式酒吧咁!好有氣氛~


有得打邊爐之外,喺餐廳正中位置仲有一排沙律,熱食,小食同甜品!
沙律有:青瓜沙律,木瓜沙律,肉碎粉絲沙律,蕃茄沙律等等...
木瓜沙律都幾辣弄下!青瓜沙律就會清少少~




熱食同小食類就有炒菜,蝦片,咖哩角,茄子,雞翼同生菜包等等...
我最中意嘅就係生菜包~!平時食泰國野叫一份都幾十蚊!
而呢到就可以任食!!生菜細細片而且夠新鮮~
肉碎嘅辣度中等,以我唔太食得辣嚟計,每次只要唔好加太多肉碎都接受到~


喜歡食極辣極重口味嘅話,台面上一大埋嘅調味料絕對岩晒你!
又指天椒...又辣椒粉...仲有啲花椒八角同泰式香料比你調味!


飲品方面以自取形式,有汽水,檸茶,菊花茶,烏龍茶同解茶等等~
如果想飲特別啲嘅都可以加錢叫特色飲品。餐廳唔止有特飲,連Mocktail,cocktail,Beer都有得叫!


Cocktail-冬蔭THAI $68
[分數:8/10]
貪得意同朋友叫咗Set Shoter 玩下!放心~其實佢地嘅Shoter只係濃少少嘅Cocktail,所以飲落去甜甜地,我地呢Set就有少少蜜桃味,不過飲落都會感受到一股熱力,少飲酒嘅人士都要小心啲,唔好覺得甜甜地幾好味,飲飲下就醉咗!XD


泰陰公拼椰雞湯 +$10
[分數:7.5/10]
雙拼湯底要加$10蚊,個個湯底都好想試下,最後揀咗招牌泰陰公同椰子雞湯底~其實好想試埋青咖哩湯底!不過無得3拼,唯有等下次啦~泰陰公湯底比我相像中無咁辣,可能就反唔太食得辣嘅客人,如果想辣啲就可以拎啲指天椒加落去~而椰子雞湯底都幾濃味,未食已經聞落淡淡嘅椰子香~唔食得辣嘅朋友可以叫呢個試下!




大刀手切牛肩肉(半磅) $98
[分數:9/10]
牛肩肉我會比8.5分,有0.5分其實係比隻牛牛!用嚟裝牛肩肉嘅牛牛真係好可愛!!其實都幾重下,睇落肥嘟嘟,表面仲好光滑添!好喇,講反重點...牛肩肉肥瘦好平均,可以睇得到一條條肉同脂肪間嘅幼紋,肩肉軟腍有肉香,細嚼之下帶陣陣脂香!打邊爐真係一定要食牛肩肉!


泰Fresh船 $138
[分數:9/10]
唔好睇佢要加成百幾蚊覺得好貴,但其實真係物有所值!而我地就比佢嘅 [烏頭] 所吸引~
拼盤入面有: 生蠔x2, 鮑魚x2, 元貝x2, 青口x2, 海蝦x2, 花甲x4, 蟶子x4 ,烏頭半條



食泰菜你一定會食過明爐烏頭!所以講起"烏頭"一係就會諗起潮州打冷,一係就諗起泰菜!
雖然我唔太食得辣,但都會建議放入冬陰公湯底,味道真係會夾啲同成個感覺泰式晒!
生蠔同鮑魚亦好新鮮,生蠔熟咗都仲係大大隻!好肥美,好鮮甜!


美國肥牛,羊肉片,豚肉片
[分數:7.5/10]
肉片類主要食呢3樣,肥牛嘅脂肪比重唔會失衡,唔會好似出面有啲放題係脂肪多過肉,入口幾嫩滑。羊肉片會有啲騷味,對於中意食羊嘅我嚟講係非常適合,但如果你唔中意羊騷味嘅話就最好試細細啖先。至於豚肉片比我想像中滑,不過始終我都係牛肉愛好者,所以主力都係食牛多~




其他配料
[分數:7.5/10]
除咗有肥牛之外,其實仲有鮮牛片,牛肋粒。比較特別嘅就有泰式魚餅同泰式排骨,而豬下青肉就即係豬頸肉,餐廳切到一條條好粗身嘅肉條咁,睇落非常肥美,食落當然都邪惡到極啦!食到差唔多係時候食啲粉麵類,佢地有提供泰式MAMA公仔麵同金邊粉!兩樣都好好食!公仔麵細細個,每人食一個都得~!


甜品
[分數:8/10]
甜品有紫米露, 西米露, 千層糕, 大菜糕, 椰汁糯米飯 任食!最好食竟然係椰汁糯米飯!雖然呢款甜品都幾飽肚下,但我竟然食左6粒!記得加多啲椰汁,佢整到好似椰漿咁好傑身,佢椰子味唔算好重,淡嘅椰香,口感順滑,加上甜甜地咁,真係好好食!椰汁入面嘅黃色粒粒原本以係粟米或大樹波羅粒,但原來係芒果嚟!認真講...真係可以一個人食晒碗椰漿...

******************************
泰邊爐
旺角彌敦道628號瓊華中心9樓
******************************
以上消費:$258/人均
味道:8.5/10
環境:8.5/10
服務:8.5/10

衛生:8.5/10
抵食:8.5/10



2017年12月7日 星期四

💁🏼Stella’s kitchen ~ 黃金牛奶🍯🍼


有留意開我是嘅話應該都會記得早排我實測緊 #黃金8小時減肥法 雖然我無更新,但其實我仲keep著用緊㗎,都跟咗成3個月,實證係work嘅!無運動減咗7磅左右無反彈,不過近排磅數開始停咗無再降!所以要加碼!
✨✨✨✨✨✨✨✨✨✨✨✨✨✨
日本大熱減肥法 #黃金牛奶 #goldenmilk ! 
✨✨✨✨✨✨✨✨✨✨✨✨✨✨
黃金牛奶其實唔止可以減肥,冬天飲仲可以暖胃!
因為 #薑黃 可以通經、止痛、消炎、防癌等等⋯有研究指每日只要飲1茶匙薑黃,功效就相等於每星期做咗3次60分鐘嘅運動!
🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️
👇🏻👇🏻👇🏻👇🏻引述新假期一文👇🏻👇🏻👇🏻👇🏻
一項為期8週、有32名停經後婦女參與的實驗中,研究人員將所有人分成薑黃組以及運動組。薑黃組每日服用約1茶匙的薑黃,運動組則是進行了一週2至3次、每次30至60分鐘的有氧運動、自行車或是步行訓練。
研究人員發現,薑黃組與運動組在血管內皮功能方面都有顯著的進步。重要的是,呈現出來的結果幾乎相同,這證明了每天攝取薑黃與每日運動具有同樣的效果。
👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻





味道方面有啲似平時食印度野啲薑黃飯變成飲品,加多啲蜜糖會好飲啲。飲完個身feel到有啲慶,幾暖胃~
好啦,一齊睇吓點整啦!
🔎🔎🔎🔎🔎🔎
材料:
牛奶       1-2盒
薑黃       1茶匙
黑胡椒    隨意
蜜糖        隨意
💡💡💡💡💡
1. 將牛奶、薑黃、黑胡椒加到鍋中,用慢火加熱至有小氣泡
2. 收小火攪拌2分鐘
3. 熄火放置10分鐘
4. 挑起奶皮&隔渣
5. 按自己口味加入蜜糖
💡💡💡💡💡
小貼士:
- 記得收小火後要攪拌,因為好多微粒會痴底
- 一定要隔渣,飲到落底有渣好難飲
- 唔怕熱氣可以加薑泥 (我燥底唔加🌝)
- 加蜜糖易入口好多,而且可以中和下無咁燥
-記得一定要加熱,可以用全脂奶。因為薑黃要有脂肪同熱力先起到化學反應!
😁😁😁😁😁😁
*以上純屬個人非正宗做法
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋





2017年11月16日 星期四

《口痕食乜好?》熱香餅布甸!


又喺係7仔搵到新嘢!熱香餅 #布甸 !其實點解我會成日去7仔買野,主要都係因為今次段片會登場嘅 #邪惡B !事關每次同佢落街,一見到7仔就會衝過去!因為入面有冷氣呀!所以我都會俾佢喺門口坐吓飲吓水!不過有時人多好似阻著個門口咁,咪唯有扮吓有野買,入去行吓囉! 其實佢個名叫Blue Blue,因為佢有對Blue Eyes,不過佢係女仔嚟㗎~不過點解我決定以後喺到叫佢做邪惡B,睇完段片就會明㗎喇!記得睇到最後呀! 丫⋯其實個布甸味道唔錯,好香滑!甜度亦無我想像中咁甜~唔講咁多啦!睇片啦! 價錢:💖💖💖💓 味道:💖💖💖💖 賣相:💖💖💖💖 環境: (5💖最高) ----------------------------- @7elevenhk #7eleven ----------------------------- 👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻 想睇更多吃喝玩樂資訊?快啲Follow我啦! FB:stellasheafoodiary Ig: stellasheaa Blog:Stella's hea食玩部屋 YouTube : https://www.youtube.com/channel/UCXPA...

2017年11月11日 星期六

🥐🍙香港都買到!7仔自家品牌到港🍭🍫


成日羨慕 日本 點解 便利店 入面啲嘢食同 零食 都可以咁好食!每次返酒店前都梗會入去掃堆零食做宵夜!
🤓🤓🤓🤓🤓

7仔最近引入咗16款佢地自家品牌零食嚟香港!日本直送!唔洗咁辛苦次次山長水遠帶返香港!
16款零食入面有齊餅乾、朱古力 、、粟米脆同乾果類!
我最鐘意嘅一定係海帶根!酸酸地又爽口,最重要係低卡!去日本必掃!
✈️✈️✈️✈️✈️
淨係掛著講零食⋯其實嚟緊仲有4款烘焙麵包推出!
買開零食可以試埋呀~
🥐🥐🥐🥐🥐🥐🥐🥐🥐🥐🥐🥐🥐🥐

價錢:💖💖💖💖 味道:💖💖💖💖
賣相:💖💖💖💖 環境:
(5💖最高)
-----------------------------
@7elevenhk #7eleven #7elevenhk
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

2017年11月10日 星期五

💥葵廣📍超巨炸彈燒💥💣


又去咗轉 葵涌廣場 返嚟同大家 放毒 !
近排好多新嘢都開咗喺塊層巷仔入面,要轉入去先見到條食街~

今次同大家介紹日本大熱嘅 炸彈燒 !一粒大過拳頭嘅章魚小丸子進化版!入面有成10種餡料!有芝士腸、粟米、章魚粒、蝦粒、蜆肉、鵪𪂹蛋同少量蔬菜絲⋯仲多料過隻糯米雞呀!

一粒$28蚊,想再邪惡啲?可以好似我咁,加$8蚊配埋 火灸 芝士 /明太子/蟹子沙律或者山葵都得~

其實一開始有啲膽心咁大粒會好漏!但佢個漿粉同一般唔同,而且加咗啲菜絲,所以食落唔會好似麵粉頭咁!再加埋芝士同大量嘅醬料⋯好食⋯但卡路里又爆燈了!

喺葵廣掃街想食飽真係分分鐘會破產!
呢粒高CP值嘅炸彈燒絕對幫到你丫!

價錢:💖💖💖💖     味道:💖💖💖💖
賣相:💖💖💖💖     環境:💖💖💖💓
(5💖最高)
-----------------------------
金坂瀛日本料理 (葵芳)
葵芳葵富路7號葵涌廣場3樓Top世界3069-T16及T17號舖
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年11月3日 星期五

💁🏼Stella’s kitchen~ 🐠清熱魚腥草🌱



成日介紹埋晒啲熱氣野俾大家,今次又同大家share多款簡易食譜! 今次主角係 #魚腥草  !
簡單講吓佢嘅功效啦~魚腥草有清熱、消炎、解毒、利尿、防輻射、鎮痛、止咳同增強免疫力等等⋯嘅功效!不過就有啲寒涼,所以唔好飲過量丫~
🔎🔎🔎
材料:
魚腥草 1斤 ($15)
果皮    2片
黑/片糖  隨意
水 1000cc
💡💡💡💡💡
1. 將魚腥草洗乾淨同剪短
2. 煲水
3. 滾水落魚腥草
4. 放果皮 (怕寒涼可以放多啲)
4. 慢火煲30-45分鐘
5. 落糖 (本身無乜味,所以可用黑糖調味
6. 隔渣後就飲得
💡💡💡💡💡
小貼士:
記得唔好煲太耐,因為魚腥草會爛晒,到時煲野會好多微粒。
😁😁😁😁😁😁
*以上純屬個人非正宗做法
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年10月20日 星期五

大笪地-一斤花膠雞煲


🐥一斤花膠雞煲🐥
病咗成3個星期,真係忍唔著了!秋風起,我要 #打邊爐 !我都知熱氣兼有機會再喉痛嘅!所以搵個滋潤啲嘅嚟打!
🤓🤓🤓
#花膠雞 嚟做湯底!叫大鍋唔止有一隻雞! #花膠 仲有一斤咁多添!飲晒啲湯先開始打邊爐,基本上都已經半飽!
飲完第一輪湯可以再加,都係會加番花膠雞湯㗎~無限次數任加!不過當然會無第一轉咁濃啦~
🐥🐥🐥
琴日食完到依加,病情好似又無惡化到喎!以毒攻毒嘅方法真係work!最緊要有得食!😆😆😆😆😆😆😆😆😆😆😆😆😆😆😆
價錢:💖💖💖💖  味道:💖💖💖💓
賣相:💖💖💖💓  環境:
(5💖最高)
-----------------------------
大笪地火鍋 (旺角)
旺角彌敦道613號飛達商業大廈3樓
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年10月10日 星期二

老夫子-童年回憶

出賣年齡系列!老夫子漫畫!
唔好話我知你未睇過丫!
平時好少會介紹卡通/人物主題餐廳,因為覺得真係好唔抵食!明明同一樣野(尤其係食咖哩飯嗰間呢),純粹砌到個樣唔同,甚至只係加塊公仔牌就收貴幾十蚊!
不過今次依間老夫子主題餐廳撇除咗童年回憶 呢個因素外,佢嘅性價比明顯俾一般高,而且食物款式夠多。
帶大家上樓上睇吓啦!

上到2樓轉身一望,你會見到好多由漫畫封面改製而成嘅玻璃窗!都真係幾懷念⋯
記得我最早期接觸老夫子嘅事後,本漫畫嘅紙質係好似草紙咁嘅。到後期轉咗釘裝同紙質,頭幾頁仲變咗彩色添!不過我記得連價錢都貴埋,所以慢慢就無再買喇!


門口前面已經有經曲角色,老夫子同大蕃薯嘅公仔俾大家影相!係喎⋯秦先生呢⋯

 

面嘅裝修同設計亦明顯花咗唔少心機!上至天花;下至坐椅,都加入咗老夫子入面嘅元素!牆身上嘅壁畫更加係細緻得驚人!

而近門位置就有一部「仿」車!絕對係影相位!入少少嘅位置仲有幾格浪漫嘅卡位添!


就連餐牌,佢地啲菜式名都係用四字語/成詞起名,真係會令我諗返起本漫畫!所以記得要留意埋佢地嘅餐牌!


餐廳有好多舊式茶記常見嘅野食,例如:龍爭虎鬥 ( 瑞士雞翼 )、坐享其成( 瑞士汁牛河 )、世外桃源 ( 焗豬扒飯 )等等⋯


道高一尺 $48 

秦先生玩意(菠蘿黑鑽石)
[分數:7.5/10]
言歸正傳,先嚟一杯特飲!咁多飲品之中,最有特色一定係以3位主角命名嘅飲品!道高一尺-秦先生玩意,本身係一杯菠蘿涼粉梳打,但最可愛嘅地方係加咗一大個綿花糖上去!要自己邊倒邊塞啲綿花糖落去,飲落竟然無想像中咁甜,當然亦都可以就咁食咗啲綿花糖先啦,呃like一流!

種瓜得瓜 $48 

老夫子南瓜湯 
[分數:8/10]

種瓜得瓜呢個名易估少少,就係南瓜湯喇~南瓜味幾重,而且打得多綿滑,餐湯仲會跟埋牛油餐包!軟熟嘅餐包對我嚟講真係好重要!西湯配餐包係好味過蒜蓉包好多㗎!

龍爭虎鬥 $68 

瑞士雞翼(4只)
[分數:8/10]
經典小食「瑞士雞翼」一份有4隻,每隻都好肥美飽滿~瑞士汁嘅顏色亦分布得好靚好平均!入口甜甜地唔會太鹹,醃得入味,雞翼肉質仍然嫩滑,唔錯!

坐享其成 $88

瑞士汁牛河
[分數:7.5/10]
瑞士汁牛河我都唔係好明點解叫「坐享其成」,因為基本上我地成餐都係坐享其成咁等食!河粉上面舖滿晒牛肉,真係多得有啲過份!顏色睇落都幾深,但食落口一樣唔會太鹹,不過啲河粉夾嘅時候比較易斷,始終無乾炒牛河咁多油,難免有咁嘅情況。

世外桃源 $88
焗豬扒飯
[分數:7.5/10]
焗豬扒飯嘅份量同樣十足!上面嘅芝土面焗到焦黃色,相當吸引!豬扒夠厚夠大件,自問無肉不歡嘅話就一定啱晒你!豬扒下面嘅焗飯經加蛋炒過,不過因為蕃茄汁落得重手咗,所以飯底濕咗少少。

禮尚往來 $52
特濃芝士焦糖吐司
[分數:7.5/10]
特濃芝士焦糖吐司我會當佢係半個甜品,因為多士上面加咗蒜蓉再焗,然後再加上甜甜地嘅芝士醬同焦糖醬,所以食落會鹹鹹甜甜咁。如果蒜蓉味可以淡返少少可能會更好,可能因為我自己偏愛甜味多啲~

得意忘形 $118

香橙梳乎厘
[分數:9/10]
真正嘅甜品終於出場!因為呢個甜品製作需時,想食嘅話記得係餐飲臨近尾聲嘅時候,提早15-20分鐘落單。甜品無改錯名,當佢送到嚟嘅時候,真係會令你得意忘形到唔記得要襯熱食!因為佢唔止傳嚟陣陣香味,賣相亦非常之靚~上邊仲要有埋老夫子個樣!

得意忘形 $118

香橙梳乎厘
[分數:9/10]
梳乎厘好鬆軟,因為已經加咗糖,所以更加能夠帶出蛋白香!橙味唔太重,所以完全無蓋過蛋白香!最意外係梳乎厘配嘅雲尼拿醬,雲尼拿味非常香濃,混合埋一齊食真係好香好滑!絕對係必食之選!

********************************
老夫子餐館 (太子)
太子彌敦道777-781號安寶樓1樓
*********************************
以上消費:$560
味道:8.5/10
環境:8.5/10
服務:8.5/10

衛生:8/10
抵食:8/10