2017年8月30日 星期三

F1 Cafe - 去屏山賽車🏁

屏山真係一個臥虎藏龍嘅地方,先有大排長龍嘅茶座,再有特別肉餅飯!依加又俾我發現一間名車主題Cafe - F1 Cafe!坐輕鐵去到坑尾村站,向前行見到有樓梯行落去,直行入村轉右就搵到!餐廳雖然唔大,但只要見到有啲特別嘅車停泊定喺門口,再加埋大大塊跑車牌面就一定唔會錯!



餐廳地方唔算大,但內裡設計得非常有心思!所有座位都用了賽車櫈!枱嘅下方就用了車轆組成,而且每張都唔同,我嗰張係「林寶」~另一邊嘅天花板上邊仲有盞賽車比賽嘅燈添~


餐湯及牛角(連特飲) +$40 
Soup w croissant
[分數:8/10]
食物種類都幾多,有2人或4人套餐,亦可散叫。散叫可以加錢跟埋餐湯同飲品。按飲品種類劃分3種收費,普通飲品+$30、特飲+$40、酒類+$50。
是日餐湯是雜菜湯,而餐湯所配的,竟然是牛角包!暖暖的牛角包入口鬆軟,實在令我喜出望外!


小食拼盤 $98
Snack Combitation
[分數:8/10]
先來個小食拼盤,入面有炸魷魚圈、蜜糖雞翼同芝士焗薯條。全部食物都熱辣辣即叫即炸,魷魚圈唔會太韌,輕易就咬得開。蜜糖雞翼炸完再淋蜜糖,又甜又香脆。而芝士焗薯條上面嘅芝士雖然唔算好多,但就可以拉出芝士絲~令人滿足!至於兩旁嘅沙律菜,餐廳都有加咗醋汁,唔會浪費。


賽車手薄餅 $98
F1 Racer Pizza
[分數:8/10]
6款薄餅入面,我地就揀咗個名最特別嘅賽車手薄餅!原來入面係有芝士、辣肉腸、咸牛肉同火腿等等⋯真係落足料⋯除咗芝士夠多之外,因為加咗辣肉腸同咸牛肉嘅關係,令薄餅變得惹味之餘又帶有鹹香!


F1 燒牛肋骨 $188
F1 roasted beef short ribs
[分數:8.5/10]
長長嘅肋骨,睇到已經覺得非常勵害!估唔到一間隱世Cafe都會提供到咁有份量嘅美食!肋骨下面仲放滿晒薯條同蔬菜伴碟!真係份量十足!肉質方面,餐廳烹調時間控制得岩岩好,肋肉唔止有肉汁,入面仲好粉嫩添!食落去有少少口感,肉味都幾重,幾香口!咁嘅價錢認真抵食!

賓利特飲 (跟餐)
Bentley Special Drink
[分數:7.5/10]
特飲全部用跑車名命名,有法拉利、林寶、保時捷⋯幾有心思!而我就揀咗「賓利」~其實佢係一杯菠蘿梳打,入面放咗色彩繽紛嘅啫喱,食完油膩野飲返啖梳打真係舒服晒~

溫馨提示
餐廳附近唔止有得免費泊車,仲有得睇埋名車!幫襯完搵老細買車唔知有無折呢😆


********************************
F1 Cafe (元朗)
元朗屏山坑尾村105號地舖
*********************************
以上消費:$ 467
味道:8/10
環境:8.5/10
服務:8/10

衛生:8/10
抵食:8/10




2017年8月27日 星期日

📺📻樂心冰室-懷舊冰室?📻📺

叫得「冰室」就懷舊?我一直都以為係。只可惜依加越嚟越多茶餐廳用「冰室」兩個字去吸引人。入到去可能會有幾樣野係懷舊少少嘅⋯但大多虛有其表⋯

常餐 $42 
[分數:5/10]
叉燒湯意粉+火腿炒滑蛋 + 牛油厚多士 。除咗件多士真係幾厚之外,其他真係無乜特別,仲要啲蛋汁浸濕咗件多士⋯

手打墨丸牛肉蕃茄湯意粉 $42
[分數:6.5/10]
老實講⋯手打墨丸唔算彈牙,又無墨魚粒⋯同我想像中嘅「手打」有出入⋯而蕃茄湯味道唔夠濃⋯意粉食落無味⋯


咖吔西多 $34 
[分數:6.5/10]
係我最期待嘅一環⋯都算厚嘅⋯但咖吔其少囉⋯可以look落第二張相睇吓⋯而且樣樣都無得散叫⋯兩個人的要飲3杯野⋯唉⋯總括嚟講⋯真係好失望⋯



價錢:😭😭😭    味道:😭😭😭😭
賣相:😭😭   環境:😭
(5😭最伏)
-----------------------------
樂心冰室 (銅鑼灣)
銅鑼灣渣甸街54-58號地下
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年8月25日 星期五

💁🏼Stella's Kitchen ~ 輕鬆煮西餐🍳

喺美食展買完兩塊扒同無花果,襯星期五有時間Ko咗佢!不過得塊扒咁單調緊係唔得,一於整夠成set!
😸
餐湯:特濃蘑菇湯配脆多士
前菜:黑醋 。無花果。水牛芝士。蕃茄沙律
主菜:香煎熊本雪花霜降牛扒
甜品:藍莓芝士餅。芒果拿破崙
餐飲:凍檸茶
💁🏼💁🏼
小貼士:
沙律好簡單,基本上將材料切粒排好,最後加埋黑醋就搞掂~
🌟🌟🌟
平時喺法國餐廳飲嘅#蘑菇湯 濃得嚟又有口感,其實只要自己買盒啡茹切碎加落罐頭蘑菇湯到,個效果都有幾分相似㗎~想更香濃仲可以加少少松露醬同cream添~
🌟🌟🌟
#蒜片炒意粉 喺一間意大利餐廳食過,無任何配料,主要係得蒜。蒜。蒜,好多人會覺得比較單調,但配埋兩大塊牛扒就岩岩好,感覺唔會太漏
🌟🌟🌟
#甜品 無時間整,買咗兩件cake就算。而餐飲只要買個檸檬,提早浸定兩個紅茶茶包,加冰就搞掂㗎喇~
😁😁😁😁😁😁
*以上純屬個人非正宗煮法
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋




2017年8月15日 星期二

《日本玩乜好?》軍艦島の電影。現實大不同 !


🚧🚧軍艦島🚧🚧 (少量劇透)
因為上年去福岡旅行嗰時去咗#軍艦島 參觀,要突登早起join本地團坐船過去~
🛥
行程會先後上兩個島,第一個島喺去睇軍艦島嘅資料館,睇完上返船就出發去軍艦島!
其實成團只係得我地喺外地人,導遊叫幾點上船我地都係勉強聽得明,所以上第一個島時有啲失望,以為坐咁耐船就係睇個資料館,仲要好快就上返船⋯
🙈🙈
資料館主要講吓歷史背景,同埋有啲掘煤工具&昔日照片睇⋯問題嚟喇⋯
睇完啲相同資料,俾人一個好完善嘅感覺,有學校有宿舍住宿供應⋯
感覺好好福利,一人掘煤全家受惠咁⋯
🤔🤔🤔
但當睇完套戲後⋯真係⋯他媽的⋯我受騙了嗎⋯
原來當中有啲區域係咁悽慘⋯男嘅當奴隸⋯女嘅就⋯
之後仲要大屠殺⋯
😭😭😭😭
原來我一直以為好美好,好靚好壯觀嘅地方背後有個咁慘嘅故事⋯
可能自己親身去過,所以睇完之後個感覺更加強烈⋯
😞😞😞😞😞
不得不提喺「軍艦島」嘅拍攝手法真係好厲害⋯
故事比較長,交代咗好多細節,仲要一次過有齊「親情」、「愛情」、「兄弟情」等等⋯
令我忍唔著整返條片仔出嚟抒發吓感受⋯
📽📽📽📽📽📽
Btw衣套戲真係好值得睇!
想睇吓軍艦島嘅現場實景就去片啦!

👋🏻👋🏻👋🏻👏🏻👋🏻👏🏻👏🏻👏🏻👏🏻👏🏻👏🏻👏🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年8月6日 星期日

《灣仔食乜好?》 甜.酸.苦.辣 一齊嚟!

如果人生要你喺一晚之內經歷晒甜。酸。苦。辣,相信都應該無乜人願意😂

但如果打邊爐嘅時候可以俾你一次過試晒4種特色鍋底呢?!咁又唔同講法喇!😆

甜👉🏻蕃茄海鮮
酸👉🏻酸菜豬骨
苦👉🏻苦瓜😏
辣👉🏻海量乾辣椒+豬紅

最令人期待嘅畫面⋯出嚟啦!苦瓜湯底👻
滾起嘅時候已經陣陣苦瓜味⋯傳入我的鼻🎤

就咁試咗啖⋯真係苦㗎😂不過鍾意苦瓜嘅人會稱為「甘」味,不過如果用嚟淥嘢,個苦味就會無咁濃烈😬

而我就最鐘意都喺🍅甜鍋!會俾一般蕃茄湯再甜少少。另外,酸菜豬骨其實都係辣辣地,如果好似我咁怕辣嘅話就要小心啲喇~

整體嚟講食物幾有特色,質素亦好高。環境有少少似酒吧咁,同一般火鍋店完全唔同!幾好feel㗎,去開灣仔/銅鑼灣區值得試吓!

想知多啲就一齊去片啦~



*********************
圃鍋 (灣仔)
灣仔軒尼詩道314-324號 W Square 4樓
*********************

=====================================
想知我之前介紹過啲咩?入下面啲平台睇吓啦!

FB: @stellasheafoodiary
IG : Stellasheaa
OR: Stellashea
=====================================

2017年8月4日 星期五

Infinity - 🍳😲All day breakfast😲🍳

🍳😲All day breakfast😲🍳
依幾日無乜update到運動情況,係時候追返啲post喇!
🏋🏻
呢個all day breakfast只能夠話係曬quota...
收成$128+10%,仲要唔包嘢飲都算⋯味道仲⋯其實all day breakfast入面嘅嘢真係同部隊鍋好相似,都喺啲加工食品/罐頭嘢!理論上好難整得唔好食⋯
🙄🙄
考功夫嘅睇嚟得炒蛋⋯咁就出事喇⋯唔知係咪落忌廉落多咗啦⋯搞到顏色又淡蛋味又無乜,食落仲甜甜地⋯
🍳😩🍳
其他野感覺真係就咁整熟佢就算,煙肉無煎香唔香口,牛角包仲要焗濃咗添⋯腸就最好食喇,因為條腸本身味道唔錯,蘑菇好彩仲算濕潤⋯
😞😞😞😞
唉⋯all day breakfast食完應該係好滿足,但食完呢個我係有失落感⋯
👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多食評?直接去我blog啦!
*********************************
Infinity Workshop Cafe (旺角)
旺角登打士街43H號登打士廣場5樓全層
*********************************
☝🏻️☝🏻☝🏻☝🏻☝🏻☝🏻☝🏻☝🏻☝🏻☝🏻
💁🏼作為一個foodie,一星期分分鐘7日都出去食飯,隨著年齡增長⋯繼續落去應該ig個框都放唔落我!衣加開始食住減( 無錯!世界上已經無野可以阻到我食😂)想睇下我成唔成功,Follow我啦!🤘🏻🤘🏻🤘🏻

2017年8月2日 星期三

Habour City《BUBBLE UP》 Opening Ceremony & Evening Party !



多謝海港城邀請出席~
有幸參與到今次公共藝術計劃
《Bubble Up》 Opening Ceremony & Evening Party ~!
仲可以見到著名日本當代藝術家Mr. Shinji Ohmaki (大巻伸嗣)添!
一齊睇吓琴晚放泡泡嗰刻,場面有幾震撼同令人興奮啦!
如果你都想試吓俾過萬個泡泡包圍著嘅話,就記得留意以下詳情喇~

“Memorial Rebirth” Art Performance Details
Date: 2 – 20 August 2017 (Every Fri to Sun)
Time: 2:30pm & 6:30pm (each performance includes 15 to 20 minutes of bubble fun)
Location: Ocean Terminal Forecourt, Harbour City
Fee: Free

***************************
Ocean Terminal Forecourt, Harbour City
***************************

============================
想知我之前介紹過啲乜?入去睇吓啦!

FB: @stellasheafoodiary
IG : Stellasheaa
OR: Stellashea
Blog: Stella's hea食玩部屋

============================

《葵廣又有新嘢食喇!》


發現葵廣有間專食咖哩嘅小店,喺頂樓賣雪糕同生果杯條巷走入去
(應該好多人未知依個新地方)

佢有4款咖哩+4款肉類+4款小食,俾你任意組合,我就揀咗港式咖哩+牛柳粒+芝士捧

想知味道同賣相喺點?即刻去片啦~

*今次喺我第一次錄音拍片,希望大家多多支持

👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
*********************************
葵涌廣場頂樓
*********************************
=====================================
想知我之前介紹過啲咩?入下面啲平台睇吓啦!

FB: @stellasheafoodiary
IG : Stellasheaa
OR: Stellashea
Blog: Stella's hea食玩部屋
=====================================

[節慶推介]E Molto Buono - 吃得飽的足料抵吃法餐

想要品嚐一餐完滿的法國菜,一頓晚餐的時間很有可能需要花上三至四小時,所以對於選址方面尤其重要。餐廳內外景觀,佈置及裝飾,足以令整晚的氣氛截然不同,所以大多法國私房菜均會選址旺區商廈。而這次所介紹的 - E Molto Buono 就正正位於時代廣場的斜對面,地點便利。


餐廳環境佈置優雅舒適,暗淡的環境配上精緻的古典吊燈,氣氛十足。落地玻璃外牆正好可以一邊品嚐美食,一邊觀賞著窗外的夜景。

自家製麵包配廚師特色麵包醬

[分數:8/10]
店方首先為我們送上一籃暖暖的麵包,分別有芝麻墨汁包,香草包及芝士脆片,而當天的特色麵包醬就是香草茄子及辣肉腸蕃茄醬。前者口感軟滑,香草味較濃,細味下能感受到茄子香。後者的蕃茄味相對較淡,反而辣肉腸味香濃,帶微辣,感覺惹味令人驚喜。

Oyster Platter $44/pc

[分數:9/10]
Oyster 原價$88/隻,現正進行買一送一優惠。我們選了3款法國蠔,分別是L'Huitre, Mermaid & Speciales Cuvée Prestige。
味道由淡至濃,L'Huitre 口感較為清爽,帶子位鮮甜。Mermaid 口感相對Creamy帶點金屬味,帶子位則同樣鮮甜。而Speciales Cuvée Prestige 則是3者之中味道最為複雜的,口感爽滑,海水味濃之餘還帶淡淡的海草味,感覺獨特。 



白煎北海道刺身帶子配椰青蛋白凍
[分數:8.5/10]
如果要從眾多菜式之中挑選一款最精緻的,絕對非這道白煎北海道刺身帶子配椰青蛋白凍莫屬。帶子上放有晶瑩的橙酒/檸檬汁仿魚籽作提味及點綴,再配上表面煎至金黃而內裡仍保嫩滑的帶子同吃,入口鮮甜中帶微酸,刺激味蕾,令帶子的味道更加豐富。至於旁邊的蛋白凍,口感綿綿味道淡淡的,用作清清味蕾,想濃味一點則可以自行沾上雪白的椰絲提味。


酒香黑松露鵝肝慕絲雞卷
[分數:8.5/10]
外表結實的雞卷內包裹著滿滿的鵝肝慕絲,表面的雞卷經加酒慢煮,細味下帶淡淡酒香外,由於採用了慢煮方式,所以不會令肉質過於粗糙,而且雞肉還混入了少量松露提味,味道不會單調。不過整份雞卷之中,我最欣賞的,還是內裡的鵝肝慕絲,慕絲口感順滑,入口甘香,而且跟雞肉味道相配,非常出色。


意大利風乾煙肉,蘆筍凍湯配煙薰泡沫
[分數:9/10]
一般凍湯大多採用蕃茄為主要材料,而這裡的凍湯竟由蘆筍所製。煙燻泡沫上方還灑上了大量風乾煙肉粒,凍湯入口清新,煙燻泡沫為凍湯更添幾份滑膩感,再加上大量的風乾煙肉碎粒,除了令凍湯更有口感外,還為凍湯添加了一分煙肉的鹹香,令人回味!


蟹肉白菌忌廉濃湯
[分數:8/10]
相比之下,蟹肉白菌忌廉濃湯就比凍湯相對普通。為了加強蟹肉白菌湯的口感,店方未有將菇菌打成糊狀,所以每啖都能感受到濃湯內滿滿的菌粒,菌味香濃!由於濃湯內加入了蟹肉,為本來單調的菌湯增添了幾分鮮甜蟹肉香。

法式香草忌廉燴海鮮酥皮盒
[分數:8.5/10]
酥皮盒上是滿滿的忌廉燴海鮮,不要少看少少的酥皮盒,盒內的海鮮卻是真材料!所有海鮮入口鮮嫩有口感!而下層酥皮則入口鬆化,為避免口感過乾,建議可連同上方的忌廉燴海鮮同吃,由於海鮮沒有加入太多濃味的香料,所以無需膽心會蓋過酥皮盒的牛油香!


香煎鵝肝配紅酒黑醋燴乾蔥
[分數:8.5/10]
香煎鵝肝同樣份量十足,表面有有著一層帶微焦的脆面,切開兩半後,中心位置看得到的嫩滑, 入口外脆內軟,入口即溶⋯口腔內充滿了鵝肝的脂香⋯極度邪惡喔!另一方面,鵝肝旁還拌有數粒紅酒黑醋燴乾蔥,乾蔥其實是指小洋蔥,燴入紅酒及黑醋後,味道不會太嗆,正好適合用作中和鵝肝的膩感。

石榴雪葩
[分數:8/10]
上主菜前,店方為我們送來兩杯石榴雪葩清清味蕾,石榴味濃,感覺清爽。想味道更有層次?可沾上旁邊的士多啤梨醬同吃,雖然令甜度上升,但在兩者的化學作用下,為石榴雪葩的味道生色不少。


香草紅酒燒汁燴澳洲和牛面頰,配牛肝菌玉米糕 $660
[分數:7.5/10]
吃了多道前菜後,出菜終於現身了!身為牛魔皇的友人就選了澳洲和牛面頰!賣相方面,和牛面頰呈深啡色的,可能不算非常討好,但當你切開後,定必對她大大改觀!和牛面頰內裡肉質軟腍非常,嫩紅的肌間內有著細密的油花,經烹煮過後內裡牛脂經已呈半溶狀,微黏的口感瞬間令我聯想起滿滿的骨膠原充斥著這件牛面頰!順帶一提底下的牛肝菌玉米糕,玉米糕由栗米打溶而成,口感跟薯蓉相似,但口感較為黏立且比較飽肚~


焗智利海鱸,配鮮蘆筍及蕃紅花忌廉汁 $660
[分數:8.5/10]
一黑一白的主菜,對比強烈。雪白的智利海鱸上除了有著一片煎得香脆的魚皮外,上方還灑滿了開心果碎碎。雪白的海鱸魚入口不單肉質嫩滑,只需輕輕按壓魚肉,魚肉即時散開,內裡還有少量魚油滲出,其滑漏程度實在令人讚嘆!

焗智利海鱸,配鮮蘆筍及蕃紅花忌廉汁

[分數:8.5/10]
配菜方面,下方有著非常健康的配搭!有甘筍,露筍,車厘茄以及身為超級食品的藜麥,由於藜麥質感較乾,所以底下則拌有蕃紅花忌廉汁,可跟藜麥拌勻再吃,相當飽肚呢!

吃過主食後,店方就為我們送上兩杯玫瑰花茶,讓我們減退膩感之餘,還可以清清味蕾,再品嚐接下來的甜品~

香蕉榛子牛奶慕絲
[分數:8/10]
店方分別為我們準備了兩款自家製的甜品,先試試外表有點像Tiramisu的香蕉榛子牛奶慕絲!口感的確跟Tiramisu相近,但味道方面則較為溫和,不會出現強式的咖啡味,而是換來了綿滑的香蕉口感和香味,感覺特別。

紅茶法式焦糖燉蛋
[分數:7.5/10]
而另一款甜品就係紅茶法式焦糖燉蛋,外型上有點像奶凍,口感順滑,入口茶味較重,上方配有少量薄脆增加口感。不過燉蛋甜度較高,不愛吃甜的朋友建議選擇前者較佳。


蝴蝶酥n.咖啡朱古力叉
[分數:8.5/10]
吃過甜品打算結帳離開時,店方再為我們送上一客蝴蝶酥伴咖啡朱古力!原來傳統上,吃過整頓法國餐後,店方會為客人送上朱古力作結,代表著完美的晚飯正式結束⋯實在太豐盛了!


優惠小貼士:
於結帳前like+share Facebook,Set dinner均有95折優惠


********************************
E Molto Buono (銅鑼灣)
銅鑼灣霎西街28號必發商業大廈2樓
*********************************
以上消費:$1845
味道:8/10
環境:8.5/10
服務:8/10

衛生:8/10
抵食:8/10