2017年10月20日 星期五

大笪地-一斤花膠雞煲


🐥一斤花膠雞煲🐥
病咗成3個星期,真係忍唔著了!秋風起,我要 #打邊爐 !我都知熱氣兼有機會再喉痛嘅!所以搵個滋潤啲嘅嚟打!
🤓🤓🤓
#花膠雞 嚟做湯底!叫大鍋唔止有一隻雞! #花膠 仲有一斤咁多添!飲晒啲湯先開始打邊爐,基本上都已經半飽!
飲完第一輪湯可以再加,都係會加番花膠雞湯㗎~無限次數任加!不過當然會無第一轉咁濃啦~
🐥🐥🐥
琴日食完到依加,病情好似又無惡化到喎!以毒攻毒嘅方法真係work!最緊要有得食!😆😆😆😆😆😆😆😆😆😆😆😆😆😆😆
價錢:💖💖💖💖  味道:💖💖💖💓
賣相:💖💖💖💓  環境:
(5💖最高)
-----------------------------
大笪地火鍋 (旺角)
旺角彌敦道613號飛達商業大廈3樓
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年10月10日 星期二

老夫子-童年回憶

出賣年齡系列!老夫子漫畫!
唔好話我知你未睇過丫!
平時好少會介紹卡通/人物主題餐廳,因為覺得真係好唔抵食!明明同一樣野(尤其係食咖哩飯嗰間呢),純粹砌到個樣唔同,甚至只係加塊公仔牌就收貴幾十蚊!
不過今次依間老夫子主題餐廳撇除咗童年回憶 呢個因素外,佢嘅性價比明顯俾一般高,而且食物款式夠多。
帶大家上樓上睇吓啦!

上到2樓轉身一望,你會見到好多由漫畫封面改製而成嘅玻璃窗!都真係幾懷念⋯
記得我最早期接觸老夫子嘅事後,本漫畫嘅紙質係好似草紙咁嘅。到後期轉咗釘裝同紙質,頭幾頁仲變咗彩色添!不過我記得連價錢都貴埋,所以慢慢就無再買喇!


門口前面已經有經曲角色,老夫子同大蕃薯嘅公仔俾大家影相!係喎⋯秦先生呢⋯

 

面嘅裝修同設計亦明顯花咗唔少心機!上至天花;下至坐椅,都加入咗老夫子入面嘅元素!牆身上嘅壁畫更加係細緻得驚人!

而近門位置就有一部「仿」車!絕對係影相位!入少少嘅位置仲有幾格浪漫嘅卡位添!


就連餐牌,佢地啲菜式名都係用四字語/成詞起名,真係會令我諗返起本漫畫!所以記得要留意埋佢地嘅餐牌!


餐廳有好多舊式茶記常見嘅野食,例如:龍爭虎鬥 ( 瑞士雞翼 )、坐享其成( 瑞士汁牛河 )、世外桃源 ( 焗豬扒飯 )等等⋯


道高一尺 $48 

秦先生玩意(菠蘿黑鑽石)
[分數:7.5/10]
言歸正傳,先嚟一杯特飲!咁多飲品之中,最有特色一定係以3位主角命名嘅飲品!道高一尺-秦先生玩意,本身係一杯菠蘿涼粉梳打,但最可愛嘅地方係加咗一大個綿花糖上去!要自己邊倒邊塞啲綿花糖落去,飲落竟然無想像中咁甜,當然亦都可以就咁食咗啲綿花糖先啦,呃like一流!

種瓜得瓜 $48 

老夫子南瓜湯 
[分數:8/10]

種瓜得瓜呢個名易估少少,就係南瓜湯喇~南瓜味幾重,而且打得多綿滑,餐湯仲會跟埋牛油餐包!軟熟嘅餐包對我嚟講真係好重要!西湯配餐包係好味過蒜蓉包好多㗎!

龍爭虎鬥 $68 

瑞士雞翼(4只)
[分數:8/10]
經典小食「瑞士雞翼」一份有4隻,每隻都好肥美飽滿~瑞士汁嘅顏色亦分布得好靚好平均!入口甜甜地唔會太鹹,醃得入味,雞翼肉質仍然嫩滑,唔錯!

坐享其成 $88

瑞士汁牛河
[分數:7.5/10]
瑞士汁牛河我都唔係好明點解叫「坐享其成」,因為基本上我地成餐都係坐享其成咁等食!河粉上面舖滿晒牛肉,真係多得有啲過份!顏色睇落都幾深,但食落口一樣唔會太鹹,不過啲河粉夾嘅時候比較易斷,始終無乾炒牛河咁多油,難免有咁嘅情況。

世外桃源 $88
焗豬扒飯
[分數:7.5/10]
焗豬扒飯嘅份量同樣十足!上面嘅芝土面焗到焦黃色,相當吸引!豬扒夠厚夠大件,自問無肉不歡嘅話就一定啱晒你!豬扒下面嘅焗飯經加蛋炒過,不過因為蕃茄汁落得重手咗,所以飯底濕咗少少。

禮尚往來 $52
特濃芝士焦糖吐司
[分數:7.5/10]
特濃芝士焦糖吐司我會當佢係半個甜品,因為多士上面加咗蒜蓉再焗,然後再加上甜甜地嘅芝士醬同焦糖醬,所以食落會鹹鹹甜甜咁。如果蒜蓉味可以淡返少少可能會更好,可能因為我自己偏愛甜味多啲~

得意忘形 $118

香橙梳乎厘
[分數:9/10]
真正嘅甜品終於出場!因為呢個甜品製作需時,想食嘅話記得係餐飲臨近尾聲嘅時候,提早15-20分鐘落單。甜品無改錯名,當佢送到嚟嘅時候,真係會令你得意忘形到唔記得要襯熱食!因為佢唔止傳嚟陣陣香味,賣相亦非常之靚~上邊仲要有埋老夫子個樣!

得意忘形 $118

香橙梳乎厘
[分數:9/10]
梳乎厘好鬆軟,因為已經加咗糖,所以更加能夠帶出蛋白香!橙味唔太重,所以完全無蓋過蛋白香!最意外係梳乎厘配嘅雲尼拿醬,雲尼拿味非常香濃,混合埋一齊食真係好香好滑!絕對係必食之選!

********************************
老夫子餐館 (太子)
太子彌敦道777-781號安寶樓1樓
*********************************
以上消費:$560
味道:8.5/10
環境:8.5/10
服務:8.5/10

衛生:8/10
抵食:8/10



2017年10月8日 星期日

🐶親子活動 狗狗樂園🐶


今次帶埋小Blue去搵食!中秋節應該好多人都去咗BBQ ,尤其係去燒烤場,唔洗霸爐之餘,又唔洗搬野!不過帶小B去燒烤場嘅話都真係幾危險,一個唔小心隨時變咗烘燶B!


同小B去公園玩嘅時候識咗班狗友~星期六約埋一齊去#元朗 #蘇家莊 #游水 #燒野食 !



寵物泳池唔算太深,水位去到我大腿,設有寵物救生衣同幾張吹氣浮床影相~

游完水之後可以自己幫狗狗沖埋涼,有冷氣房同3部風機,小B吹咗兩小時先乾得晒,辛苦死我!不過喺到沖好過喺屋企搞到全屋毛,吹完仲要吸餐死!


燒烤同價錢比大家參考下:
#乳豬 、 雞翼、豬扒、牛扒、魚柳、海蝦、雞肉腸、芝士腸、牛丸、墨魚丸、什菜包、什、菇包、方包、蕃薯、粟米、司華力腸
飲品:每位4盒/罐。2煲涼茶(免費)
🐷🐔🐮🐟🍤🍞🌽🍠
我地一行40人19狗,
由4點玩到10點,每位$270
狗狗游水每隻平均+$100 (大小收價不同)
*$370可以同佢玩足大半日,對我嚟講有得同佢沖涼已經乜都抵晒!值得推介!
💰💰💰💰💰💰💰💰💰💰💰💰💰💰
價錢:💖💖💖💓  味道:💖💖💖💓 
賣相:💖💖💖💓  環境:💖💖💖💖  
(5💖最高)
-----------------------------
蘇家莊
元朗錦上路金水南路
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋

2017年10月4日 星期三

ClubOne 尖東薈-浪漫高雅。性價比高


近年好多朋友開始陸陸續續結婚,今次陪朋友去尖東嘅「ClubOne」睇吓個場地!其實「ClubOne」有好多個婚禮場地,揀尖沙咀區主要都係因為佢地點便利,可以就晒所有人親戚朋友~


由尖東站P出口一路行過去,去到安達中心就會見到大大個「ClubOne」招牌!行落一層樓梯就會見到另一個正式入口,搭扶手梯落去就到喇~



喺扶手梯到已經可以俯視到大半個場,成個場綠柔柔,望落去好舒服。加上樓底上面有幾個仿露台,睇落覺得好童話式好浪漫!



正門口就有個書𣕧做裝飾,最特別嘅係另一邊有本好大嘅電子螢幕書!到時可以用嚟播番啲相或者片!設計得好得意!好特別!




正式入到去,場地以以白綠色為主,環境都幾闊落,加上光猛嘅燈光,整體感覺好光鮮清新。加上樓底夠高,所以無乜壓迫感~



全個廳可以容納到49席,可以分為A、B兩個廳,A廳可以容納28席,而B廳就21席。



舞台位配合返場地綠柔柔嘅顏色,所以背景都會用返花花草草做裝飾,營造出花園式嘅浪漫感!


喺場地嘅中後位置設有一道連接著新娘房嘅自動門,方便一對新人出場~


新娘房好闊好光猛,兩張化妝枱好似明星登場咁!而且有齊衣𣕧、連身鏡、梳化,連蒸汽熨斗都有埋!另外新娘房有埋獨立洗手間,方便新娘同伴娘裝身化妝,打扮好晒先出場!


其實場內仲有另一個影相位,喺近入口位置擺咗一架人力花車,臨走前都可以去影吓相~


總結
第一次陪朋友參觀婚禮場地,同想像中完全唔同~先唔好拎酒樓去比,ClubOne喺場地裝修同佈置上都好有心思,而且食物方面聽朋友講都唔錯~而且價錢比酒店化算,性價比高,值得考慮!


會所1號 尖東薈 (尖沙咀)
尖沙咀麼地道65號安達中心地庫B/2

2017年10月2日 星期一

🍦🍭果肉多多 奶味香濃🍭🍦

呢幾日病緊仲去周圍食⋯病重喇我😂⋯
今日簡單少少介紹一支我一直想試而搵唔到嘅雪條!

佢有士多啤梨同芒果味兩款,果肉明顯無圖片咁多㗎喇,不過比起一般 #雪條 佢就真係真材實料,真係用原粒 #士多啤梨 果肉!

啲士多啤梨粒都幾酸吓,而啲醬都幾甜吓,所以記得夾埋一齊食!底下係牛奶雪條,奶味都幾香濃,整體嚟講都幾好味。不過就貴少少要成$22定$23蚊一支
😁😁😁😁😁😁😁😁😁😁😁😁
價錢:💖💖💖      味道:💖💖💖💓 
賣相:💖💖💖💖  環境:    -
(5💖最高)
-----------------------------
OK便利店
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊?快啲Follow我啦!
FB:stellasheafoodiary
Ig: stellasheaa
Blog:Stella's hea食玩部屋