平時出去整甲頭嗰兩個星期係好靚，但當指甲一長，甲尾位就變得好肉酸！兩星期又要整過傷甲之餘真係肉都赤埋！等下等下挨到一個月，最慘係想俾指甲休息下唔整著嘅話，一係就格硬剪一係就俾錢搵人拆！慢慢就懶得再去整了！
今次見到Sally Hansen出新色之外，最吸引我嘅係佢可以做到Gel甲嘅效果！仲要唔洗照燈！簡單方便！
先擦兩層甲油，等佢乾咗之後再油一層TOP COAT就搞掂～支TOP COAT好利害，擦嗰時要快手啲，因為佢乾得好快，慢少少就好似拔絲地瓜咁，拉到成條絲出嚟！
今次先試下薰衣草色，淡淡地好適合夏天～平時鍾意著啲粉藍粉紫色衫就最啱襯！外表睇落都幾似Gel甲，滑身令面，又唔會太厚，不過就未知持久度高唔高，下次試埋另外兩隻色再話俾大家知～
沒有留言:
張貼留言