金潮小廚 - 葵芳人氣小炒王

由於本人經常會係葵芳出沒,所以好多朋友都有問過我

「葵芳有冇咩好野食o架?」或者「有冇咩野食推介呀?」

若果知道佢地想搵食小菜嘅地方,我大多會推薦佢地去

金潮小廚

        相信有留意開飲食雜誌/節目嘅朋友,對金潮小廚可能都會有點引象,

當中較為人熟悉嘅飲食節目「街坊廚神」亦有介紹這人氣小店,

不論係閒日或假日,每當晚飯時段店外都會排著長長人龍,

還記得第1次打算去食嘅時候,預計等候時間居然長達2小時以上...當時唯有放棄了

     

      金潮小廚

果真來頭不少,步進餐廳後就發現

於收銀處後張貼大量曾經前來用餐的明星照,製成了一幅照片牆,星光熠熠

     

      今日由於比較早放工,大約6點半左右已經到達金潮,當時店內人流不多,

尚有少量吉位.舖位不算太大,環境尚算光鮮,

牆上貼滿了各款招牌菜的相片,以供參考,但坐位十分迫硤
安坐後不久,伙記便再三查問我地「人齊未?要人齊先入得架」
然後隔了不久,又有伙記催促我地「點菜啦點菜啦」,

隔離檯更被人催促洗碗筷....實在無奈...

今次一共叫了六道小菜,分別是:

脆皮冰梅骨、流沙帶子賽螃蟹、回味咖哩軟殼蟹、
燒汁野菌炒魚柳、金沙南瓜及金瑤扒生菜.

落單後不久,食物就隨隨送上,起菜速度迅速

     

流沙帶子賽螃蟹 ($98)
賣相精緻
背後有一網狀脆脆作裝飾,而「流沙」則平均地分佈在賽螃蟹之下,

「流沙」比人第一印象必定是蛋黃汁,

但原來金潮的「流沙」有別於其他地方,是以南瓜汁取替了蛋黃汁,比一般的健康

賽螃蟹
雪白的帶子、蛋白內夾雜著珊瑚蚌、蝦仁及韮皇,口感滑溜,混合了多種材料後,

不單令味道更鮮甜,還令觀感變得更好,若果覺得味道太淡,可加入少許醋,提升味道

     

  

     金沙南瓜 ($78)
份量頗多,大大的楠瓜沾滿脆漿加入了鹹蛋黃碎後,包裹著南瓜,炸至金黃,

上檯時已傳出陣陣咸蛋香但外皮油份頗多,而南瓜味道清甜,煮得夠腍,咬落外脆內軟,

最怕食到爽口的南瓜，但由於楠瓜澱粉質較重又有蛋黃及油炸,

吃了2-3件就感覺有點膩了.但整體是不錯的

   

       回味咖哩軟殼蟹 ($98)
賣相不錯,一件件肥大肉厚炸至金黃色的軟殼蟹放在橙黃色的咖哩汁上,

背後有數塊米通作陪 襯,咖哩汁內有少計蛋白花,令觀感更佳,不會只有啡色,

軟殼蟹比一般街外吃到的Size大,

但由於軟殼蟹的底部沉在咖哩汁內,令原本脆身的外皮變淋了,

如果可能的話,咖哩汁與炸蟹分開上會比較好

另外,較為失望的是背後的米通,原本打算沾咖哩汁吃,

但....米通竟然是韌的...完全沒有脆的感覺...咬了一口便放低了...

 

        

  最值得一讚的還是軟殼蟹夠大隻,炸粉不算太厚,

咬開後可清楚見到一大舊蟹肉還有點蟹膏,

蟹腳炸得鬆脆而蟹身位置外脆內軟,而不是只有厚厚的炸粉,

但有家人對這個軟殼蟹一般,反而喜歡細蟹,因為能炸至整隻都脆卜卜,

所以如果喜歡啖啖肉的朋友,可以不仿一試

     

     金瑤扒生菜 ($95)
賣相相當吸引,菜面上佈滿密麻麻的「金瑤」,哇~~金瑤數量多得驚人,但仔細一睇及試味後,原來「金瑤」混合了不少金菇呢...食落有點爽口嘅感覺,雖然瑤柱不多,但「金瑤」汁尚算鮮味
生菜嫩綠,軟硬度適中,入口爽脆,配上「金瑤」,令味道大大提升了不少,十分惹味

 

   脆皮冰梅骨 ($85)
這裡的名菜之一,看到很多枱也點選了這道菜，就試試吧～
賣相跟糖醋骨/咕嚕肉有點相似，表面沾滿傑傑的甜酸梅子醬，

令表面帶光澤，有點似麥芽糖，十分吸引
咬下去時，外層帶點香脆，酸酸甜甜，甜味較重，亦帶點醬油味，十分醒胃，

由於本人喜歡甜味嘅菜式，所以很喜歡這個脆皮冰梅骨呢～

 

   燒汁野菌炒魚柳 ($85)
食咗咁多濃味煎炸菜式，叫返樣清淡少少嘅～

不過嚟到時發現不是想像中的清淡呢～好夠鑊氣～
魚柳是以斑塊炸成的，口感彈牙，不似一般雪魚柳入口鬆散，

另外還有各類瓜菜，翠玉瓜，野菌，黃椒等. . .

燒汁稀稠程度適中，味道不會過咸，不會遮蓋了石班魚的魚鮮，

每件魚柳及瓜菜都平均沾有燒汁，又不至於變成糊狀，頗有水準

 

 

~後記~
雖然對聽到好多朋友講金潮已經大不如前，質素每況愈下，

但個人認為仍然比一般小菜館質素要好，所以依然人流不絕，

最可惜的是服務質素真係差得離譜，花錢吃飯但仍需受氣或被趕，

但金潮（唔休做），也難怪吧. . .

 

    

 

 

 

 

金潮小廚 Kam Chiu Kitchen

葵芳榮芳路9號恆景花園恆景商場地下G14-G15號舖

 



堂食等位時間: 10 分鐘 用餐日期: 2014-08-05 是次消費: 每人約HK$150 (晚餐) 評分: 味道 4 環境 3 服務 1 衛生 3 抵食 3